吉列牛忌廉烏冬專門店 (百樂中心)

營業中

休息中

終於完結咗忙碌嘅一星期，Boomark咗忌廉烏冬都有一陣子，加上好耐無出過港島區，順便食野買野放鬆下。題外話，之前有食過百樂中心另一間餐廳，發現呢間同之前個間格局同裝潢8-9成相似，唔知大廈其他餐廳係咪都係咁，幾有趣。-美式頂級牛里脊套餐 $178內有美國牛里脊、芝士大啡菇、大量炒洋蔥。牛里脊肉身頗豐厚，尺寸雖然唔太大，不過入口夠滿足。放上小鐵板上燒一燒，即使燒燶咗少少，肉汁依舊，牛味不俗。以呢個價錢而言，如份量再多啲，性價比會更高。*燒肉時要小心彈出嘅油脂，如店家可以供應小圍裙就更好，因為好易彈到衣物。芝士大啡菇幾有驚喜，芝士加入香草及洋蔥提味，大啡菇多汁有韌度，食得出幾新鮮。-咖喱忌廉雞肉烏冬 $78忌廉烏冬可謂令我又怕又想試，因烏冬上一大堆嘅忌廉總令我驚有伏，但原來食落係幾正常。將忌廉同咖喱烏冬拌勻，微辣之餘，烏冬口感多咗一份輕盈同滑溜感。-咸蛋薯條 $38因為驚食完主菜唔夠飽，叫多咗一份咸蛋薯條。食到鹹蛋起沙嘅質感，香草提升香氣。鹹香薯條配黑松露醬都唔錯，有助減輕鹹蛋嘅膩感。