百芳池上便當 (希慎廣場)

營業中

休息中

銅鑼灣午飯時間又好趕嘅情況下，所以結果都係叫外賣會最方便，因為唔使等位。諗吓靠近地鐵站附近嘅地方叫嘢食，因為覺得會比較快啲，跟住有朋友諗起可以試吓呢間百芳池上便當。外賣送來嘅時間比想像中多咗啲，但係還可以接受嘅，嚟到都仲係亂嘅。朋友叫咗個百芳滷雞扒便當，分量方面係足夠嘅，雞扒味道亦都好夠味，下邊仲有少少粉絲，不過重點係啲汁唔係好夠，所以食落個飯會有啲比較乾嘅感覺。我就叫咗個台灣半筋半肉牛肉麵，跟台灣粗麵，面底幾夠煙韌咬口，份量亦都足夠反為肉嘅份量比我想像中少，有啲唔夠喉，湯底味道都可以。仲有叫咗兩杯珍珠奶茶同埋布丁奶茶，珍珠奶茶味道係平均水準，布丁奶茶嘅布丁份量比較少，同埋口感始終唔夠台灣本地嗰啲咁滑。下次都係叫返珍珠奶茶穩陣啲。