影片
更多
2022-05-22
384 瀏覽
本來滿心期待嘅生日飯誰知道係一次唔好經驗冇下次囉～串燒味道普通，但服務態度好差尤其係當晚唯一一個女侍應諗住慢慢食，先叫咗4樣串燒點知要成一個鐘先黎齊啲野…仲要係催單情況下😅呢一個鐘至少聽到三檯同侍應催order…估唔到我最後都要催埋一份🥲坐隔離檯一位女士，催話爭碗烏冬同燒芝士女侍應去check 單，之後話烏冬漏咗單芝士燒緊（重點係：一句對唔住或唔好意思都冇）女士：我真係好想食烏冬，但7點要交檯，咁係咪趕唔切？女侍應：係呀！女士：咁唔要烏冬燒芝士上檯，女侍應同女士講：你7點要交檯，你快啲食！女士好配合話好！我就聽到著火！家陣係你地漏單遲出餐，仲要一啲禮貌都冇叫個客人食快啲？搞笑嘅係最後到差唔多7點45分，最少三張二人檯係吉嘅！包括想食烏冬而被漏單嗰位女士張檯！女侍應啲服務態度唔該train 吓先同flexible 啲！仲有其他吉檯兼冇客排隊walk in 或booking 啲人未黎，係咪應該最基本嘅禮貌同客人溝通呢？！本身覺得D串燒普通，見到咁嘅服務態度即時唔加單，催埋最後樣嘢埋單走人！雞皮蝦卷：雞皮唔香脆，蝦身好乾，兩姐之間夾住塊紫蘇葉，整體唔融合！三樣嘢各自各精彩😂失望！牛舌：4樣燒
本來滿心期待嘅生日飯
誰知道係一次唔好經驗
冇下次囉～
串燒味道普通，但服務態度好差
尤其係當晚唯一一個女侍應
諗住慢慢食，先叫咗4樣串燒
點知要成一個鐘先黎齊啲野…仲要係催單情況下😅
呢一個鐘至少聽到三檯同侍應催order…
估唔到我最後都要催埋一份🥲
坐隔離檯一位女士，催話爭碗烏冬同燒芝士
女侍應去check 單，之後話烏冬漏咗單
芝士燒緊（重點係：一句對唔住或唔好意思都冇）
女士：我真係好想食烏冬，但7點要交檯，咁係咪趕唔切？
女侍應：係呀！
女士：咁唔要烏冬
燒芝士上檯，女侍應同女士講：你7點要交檯，你快啲食！
女士好配合話好！
我就聽到著火！家陣係你地漏單遲出餐，仲要一啲禮貌都冇叫個客人食快啲？
搞笑嘅係最後到差唔多7點45分，最少三張二人檯係吉嘅！包括想食烏冬而被漏單嗰位女士張檯！
女侍應啲服務態度唔該train 吓先同flexible 啲！仲有其他吉檯兼冇客排隊walk in 或booking 啲人未黎，係咪應該最基本嘅禮貌同客人溝通呢？！
本身覺得D串燒普通，見到咁嘅服務態度即時唔加單，催埋最後樣嘢埋單走人！
雞皮蝦卷：雞皮唔香脆，蝦身好乾，兩姐之間夾住塊紫蘇葉，整體唔融合！三樣嘢各自各精彩😂失望！
牛舌：4樣燒得較有水凖！起碼中間都嫩滑
牛小腸同牛沙瓜：普通…牛沙瓜黑椒重手咗
自家製無花果酒：一D無花果味都冇🙄D酒少到，粒冰大到呢🙄
張貼
