NeNe Chicken (新都會廣場) (已結業)

想食NeNe chicken 好幾次，試過有一次黎話午餐無炸雞或烤雞，晚餐先有，所以想等人同我share。今日終於有人陪，兩個人，點左一份烤雞同一份小食。整體黎講：覺得雞太乾同無咩味，有啲失望。招牌烤雞原味（全隻）$174烤雞等待時間比較長。雞上枱時，有冒煙，係幾吸引。但食落肉質比較乾食，同無咩調味。有問店員拎辣醬，佢有「溫馨提示」話嗰醬有少少咸，叫唔好點咁多。的確無想像中嘅辣味，但都好過無😶迷你雞蛋卷（明太子）$90份量亦都比想像中大，我哋點左「迷你」，覺得其實係指regular ；「勁量」應該係指加大。蛋卷味道係正常架，入面有拉絲芝士、火腿粒同大量生洋蔥同青紅椒！純粹係我哋個人喜好問題，唔鍾意食洋蔥同青紅椒，所以對佢嘅味道有所保留。