影片
更多
2023-01-17
846 瀏覽
夜晚行咗幾間想食嘅餐廳都有排等，見到呢間未試過決定試吓，一坐低見到個Menu有一半嘢食都sold out已經覺得伏伏地🫠我哋好快就嗌咗一份half and half，一個炸豬扒飯同一杯啤酒，然後就係無盡嘅等待⋯講返個場，眼見起碼有八張空枱，但係啲員工都係選擇執枱，而唔係將廚房出咗嘅嘢食送俾客🤗起碼有兩三份食物廚房出咗5分鐘都冇職員送餐用咗15分鐘，終於上咗個炸豬扒飯先，豬扒係炸得唔錯，但係個咖喱汁好似開水稀釋左三倍咁樣，無論質感定味道都似小學生學校嗌飯嗰種感覺🤗然後等到25分鐘嗰陣，我同女朋友都見到餐廳係咁出緊外賣order，遲過我哋到嘅客枱面都已經有嘢食，我哋就問一問究竟份雞去咗邊⋯果不其然漏咗單🤗🤗🤗但係不單止冇職員同我哋講返唔好意思，連究竟發生咩事都冇任何人交代，係我哋自己見到個see through 廚房裏面一催單就即刻出番俾我哋先知漏單👍🏼👍🏼👍🏼終於嚮等到35分鐘嗰陣見到我哋份雞，即係證明廚房係有能力10分鐘炸好雞，但餐廳都係選擇做晒外賣而冇人攞，而唔係服務左現客先😆😆😆最衰我已經有正職，如果唔係，嚟呢度返工應該幾爽，都唔使做嘢就有糧出💰💰
講返個場，眼見起碼有八張空枱，但係啲員工都係選擇執枱，而唔係將廚房出咗嘅嘢食送俾客🤗起碼有兩三份食物廚房出咗5分鐘都冇職員送餐
用咗15分鐘，終於上咗個炸豬扒飯先，豬扒係炸得唔錯，但係個咖喱汁好似開水稀釋左三倍咁樣，無論質感定味道都似小學生學校嗌飯嗰種感覺🤗
然後等到25分鐘嗰陣，我同女朋友都見到餐廳係咁出緊外賣order，遲過我哋到嘅客枱面都已經有嘢食，我哋就問一問究竟份雞去咗邊⋯
果不其然漏咗單🤗🤗🤗但係不單止冇職員同我哋講返唔好意思，連究竟發生咩事都冇任何人交代，係我哋自己見到個see through 廚房裏面一催單就即刻出番俾我哋先知漏單👍🏼👍🏼👍🏼終於嚮等到35分鐘嗰陣見到我哋份雞，即係證明廚房係有能力10分鐘炸好雞，但餐廳都係選擇做晒外賣而冇人攞，而唔係服務左現客先😆😆😆
最衰我已經有正職，如果唔係，嚟呢度返工應該幾爽，都唔使做嘢就有糧出💰💰
張貼