心之食堂 (裝修中)

臨近11月，又係我老媽子生日既時候。有一日我同朋友經過銅鑼灣嘅時候發現咗呢度有間日式嘅居酒屋，所以把心橫諗住帶老媽子黎食，俾個驚喜佢。一去到門口已經見到好友日本氣息嘅感覺，外圍大多數都係啲木紋嘅裝修，同埋臨近聖誕節見到入邊都掛咗各式各樣嘅聖誕裝飾。入去去坐我哋就急不及待叫咗個蟹子沙律，彩虹卷，肥牛卷，仲有我最鍾意食嘅芝士雞，同埋魚干，當然仲有我老媽子最鍾意食嘅牛柳粒石鍋飯啦。食物嚟到，見到食物嘅賣相好靚一啖食落去估唔到仲好好味添，其中有我最鍾意食既芝士雞，一路食一路拉絲，諗返起都想食多次呀，估唔到牛柳粒石鍋飯先係重頭戲，我老媽子一路食一路刮下邊嘅飯焦俾我睇，佢話啲飯焦真係好好食，鍾意食飯焦嘅人一定會認同，同埋牛肉粒好有咬口，最後見到佢食得咁開心我就開心晒。呢間嘢真係唔錯㗎，大家有時間真係要試吓。