吉列牛忌廉烏冬專門店 (百樂中心)

營業中

休息中

雖然呢日落大雨，但係冇損我要食美食既決心。其實銅鑼灣真係有好多美食！單單係百樂中心都已經層層有野食咁制。今次決定去22樓食韓國吉列牛忌廉烏冬。坐低就二話不說立即點份吉列牛定食，話哂都係呢到既名物，一定要試下。一份定食有一份吉列牛、一碗飯、昆布湯，仲有麻醬豆腐、車厘茄作為小食。食吉列牛既精髓就係食之前先要動手將內裏仍未熟既吉列牛放係爐上燒，爐仔十分的骰，啱哂一個人自助咁燒。燒之前細看吉列牛，估計係先上炸粉炸好外皮，再切開一塊塊整齊排列好。薄薄既炸皮包住仍帶著粉嫩色的牛肉，望見都口水直流。用筷子夾起吉列牛放係爐上燒，聽住從爐上傳來既滋滋聲，已經聞到令人垂涎欲滴既油脂因加熱而產生既香氣。燒咗陣之後，夾起吉列牛翻到另一面，立即見到熱力令原來的粉嫩色變得更淺色。要燒到幾成熟，完全係任由你控制。我個人就喜歡燒到表面有微微金黃色，但內裏仍保持粉嫩。放入口咀嚼，吉列皮一D都唔厚，而且變得更香脆，牛肉夠嫩夠鮮甜，油香立即充滿口腔，特別喜愛外脆內軟既感覺。食野點可以冇碗白飯？所以一份定食會有上面鋪有飯素既白飯，軟糯帶甜，配埋吉列牛食好夾。見到咖喱配忌廉，心裏面都覺得兩者「大纜都扯唔埋」，但係身為呢到既名物