更多
2018-11-27
254 瀏覽
食野係我快樂既泉源，辛勞工作左一整日，好需要找個地方享受晚餐，同朋友傾下計放鬆一下。尖沙咀Cafe唔算多，［樂園］是其中之一且擁有過百好評的Cafe，餐廳係商業大廈，環境清靜，裝修得好繽紛，仲有兩隻貓貓坐陣，同樓下人煙稠密既街道截然不同。連啲餐具都精心選擇過，好girly，女仔會好鐘意！碟上會送你兩粒mentos，一方面清洗下味蕾，二來食糖開心嘛，貼合到餐廳個名呢到主要食西餐，款式都幾多，見食評都有唔小人叫廚師發板，整得好靚！不過我同朋友都好肚餓，想叫飽肚啲既野佢仲有最新廚師推介既小食，入面有幾款，個薯餅望落好吸引，忍唔住要叫來到Cafe，飲品是重中之重，傾計必需要配一杯好喝既飲品！榛子朱古力（跟餐+$25）見天氣涼左想飲返啲熱野，暖下胃，所以我揀左榛子朱古力，貪榛子夠香。第一眼望杯朱古力果時覺得佢好淺色，應該會好淡，點知俾我想像完全唔同。飲落好濃朱古力味，再加左榛子既香，好好飲，鐘意佢帶少少苦，唔太甜。朋友睇相俾杯金莎雪冰（跟餐+$45）吸引左嘩杯野黎到係我俾佢吸引左，未飲過一杯沙冰高到咁，朋友未試我已經忍唔住搶左黎試面頭果層冰有微微朱古力味，本來有點失望，因為朱古力唔夠。點知好戲在
尖沙咀Cafe唔算多，［樂園］是其中之一且擁有過百好評的Cafe，餐廳係商業大廈，環境清靜，裝修得好繽紛，仲有兩隻貓貓坐陣，同樓下人煙稠密既街道截然不同。
連啲餐具都精心選擇過，好girly，女仔會好鐘意！碟上會送你兩粒mentos，一方面清洗下味蕾，二來食糖開心嘛，貼合到餐廳個名
呢到主要食西餐，款式都幾多，見食評都有唔小人叫廚師發板，整得好靚！不過我同朋友都好肚餓，想叫飽肚啲既野
佢仲有最新廚師推介既小食，入面有幾款，個薯餅望落好吸引，忍唔住要叫
來到Cafe，飲品是重中之重，傾計必需要配一杯好喝既飲品！
榛子朱古力（跟餐+$25）
見天氣涼左想飲返啲熱野，暖下胃，所以我揀左榛子朱古力，貪榛子夠香。第一眼望杯朱古力果時覺得佢好淺色，應該會好淡，點知俾我想像完全唔同。飲落好濃朱古力味，再加左榛子既香，好好飲，鐘意佢帶少少苦，唔太甜。
朋友睇相俾杯金莎雪冰（跟餐+$45）吸引左
嘩杯野黎到係我俾佢吸引左，未飲過一杯沙冰高到咁，朋友未試我已經忍唔住搶左黎試面頭果層冰有微微朱古力味，本來有點失望，因為朱古力唔夠。點知好戲在後頭，飲到杯入面果到，個味濃好多，又係好香榛子味同朱古力味，飲到底係最濃最好味！
紅蟹忌廉薯餅（$88）
有圖有真相！！隻貓貓好得意，隻碟心形好特別，啲花花好靚，成個擺盤都勁靚！個薯餅有三舊，佢係非一般既薯餅，個皮炸得好脆，薄薄地咁，入面係熱辣辣打到好綿滑既紅蟹忌廉，滑到一切開就流出黎，好香又甜甜地，加埋面頭既蟹子，鮮味得黎又唔漏！真係睇得又食得。
安格斯肉眼扒（$218）
餐廳用呢啲碟，感覺好grand，黑色配左啲醬汁貼埋小花，成件事真係好靚（又要講多次），未食都已經夠開心
個扒我地叫左7成熟，我就略嫌7成熟左少少，但朋友話好食，扒入面都仲有少少紅紅地。可能都係7成熟既關係，有啲硬，不過一咬落去入面仲有好多肉汁滲出黎，而且個扒唔會太肥，share食個份量岩岩好。本身佢配左兜醬，甜甜地咁，幾特別，但我鐘意原汁原味多啲，所以好少點。薯菜果到呢佢除左一舊舊薯角之外仲切左絲橋埋左拎去炸，一啲脆一啲林，有兩種口感。真有心思！
黑松露鵝肝意大利飯（$188）
我又要強調，呢間野啲擺盤真係值得一讚，鮮豔既顏色點綴，增加左我既食慾。呢碟飯好似係招牌菜，估唔到塊鵝肝咁厚，上面有一篤仔黑松露。黑松露太濃味喇，咁樣少少地就岩岩好用黎撈晒成兜飯，過多就會喧賓奪主。飯既質地都唔錯，忌廉令到飯夠黏同埋煮既時間恰到好處所以軟稔之餘又帶煙un，飯有少少味道，食落算淡，但連埋鵝肝既油香一齊食，一流
本來想試埋甜品，但我地實在太飽，最後放棄左。
呢到的確係「快樂園地」，食物賣相、味道、創意都非常出色！如果佈置方面再華麗一點就更好，咁先match到啲食物！
張貼
