曼谷車站

營業中

休息中

男朋友表示想食泰國野，所以就泥左呢間曼谷車站食晚餐。晚上7點幾已經full左8成枱，本來真係滿心期待，點知被安排坐的座位，完全望到餐廳非常惡劣ge一面，污糟餐具和無蓋垃圾筒就正正係我地隔離（如下圖）！而且出餐位就係附近，嚴重唔衛生，唔知仲以為去左大排檔食飯！？我同男朋友見到都呆左，真心咩胃口都冇哂！座位還有小昆蟲爬左係我地個袋到，就算呢到d野幾好食都好，都唔會再有下一次。泰式燒烏頭條魚比想像中大條，鹽燒帶出烏頭鮮味，加上魚肚裡面放左d香茅，味道更豐富，但略嫌肉質偏鞋身。配果個泰式醬汁有小小辣，都幾惹味。海南雞飯先講個飯，煮得好爛，而且又冇乜味；另外d雞非常肥，厚雞皮肥膏多過雞肉！炸蝦餅成餐飯最好味係炸蝦餅，剛炸好熱辣辣，外層脆口，裡面爽彈！不過唔好以為有咁多舊，每舊都只係得半舊，一開了二，所以加埋得三舊，質素以$58泥講都對得起價錢。好明白出街食飯，多數都會收加一服務費，但呢到ge服務真係大開眼界，無論係送餐定係問佢拎碗碟，佢都係就咁一野掟落枱到！加上餐廳環境衛生問題，男朋友食完表示肚痛，還好我沒有，但真係唔敢再去食啦。