影片
更多
2022-05-26
1406 瀏覽
呢間要兩個月前搶位 堪稱全港最難book既人氣下午茶 竟然比男朋友book到‼️呢到簡直就係甜品控天堂 有兩大架甜品車無限refill🥳真係飽足成日🤑幾個月前睇仲係$798 而家加到$998/2 都幾誇張😵.📌Traditional Finger Sandwiches 1️⃣最鍾意牛油果蟹肉 牛油果蓉應該加咗檸檬汁係酸酸地 幾開胃🥑蟹肉絲份量好多 好鮮甜🦀2️⃣魚子醬煙三文魚個煙熏味啱啱好 唔會好鹹好腥 仲好厚肉 魚子醬食到好鮮嘅魚油味🐟3️⃣烤火雞芝士 芝士好厚好濃味濃到有啲騷 有少少蓋過咗火雞個味 但係幾欣賞佢加咗啲藍莓果醬落去 識落甜甜地仲可以中和返芝士個膩感🦃🧀4️⃣黑松露蛋沙律 有原片黑松露喺面 好香松露味 同個蛋沙律味道幾夾🖤.📌Classic Scones (可以refill)有原味同埋提子乾味 牛油同個蛋味都幾香 帶少少甜味🧈🥚烘到外脆內鬆 唔會好乾微微漿口 係我鍾意食嘅口感😍Clotted cream奶味好香🥛自家製士多啤梨醬酸酸甜甜🍓柑桔醬就有少少果皮嘅苦澀味🍊.📌Tableside Served Cakes, Pastries and Chocolates👉🏻Sweet Stand
52 瀏覽
0 讚好
0 留言
.
📌Traditional Finger Sandwiches
1️⃣最鍾意牛油果蟹肉 牛油果蓉應該加咗檸檬汁係酸酸地 幾開胃🥑蟹肉絲份量好多 好鮮甜🦀
2️⃣魚子醬煙三文魚個煙熏味啱啱好 唔會好鹹好腥 仲好厚肉 魚子醬食到好鮮嘅魚油味🐟
3️⃣烤火雞芝士 芝士好厚好濃味濃到有啲騷 有少少蓋過咗火雞個味 但係幾欣賞佢加咗啲藍莓果醬落去 識落甜甜地仲可以中和返芝士個膩感🦃🧀
4️⃣黑松露蛋沙律 有原片黑松露喺面 好香松露味 同個蛋沙律味道幾夾🖤
Traditional Finger Sandwiches
61 瀏覽
1 讚好
0 留言
Traditional Finger Sandwiches
53 瀏覽
0 讚好
0 留言
.
📌Classic Scones (可以refill)
有原味同埋提子乾味 牛油同個蛋味都幾香 帶少少甜味🧈🥚烘到外脆內鬆 唔會好乾微微漿口 係我鍾意食嘅口感😍Clotted cream奶味好香🥛自家製士多啤梨醬酸酸甜甜🍓柑桔醬就有少少果皮嘅苦澀味🍊
Classic Scones
45 瀏覽
0 讚好
0 留言
.
📌Tableside Served Cakes, Pastries and Chocolates
👉🏻Sweet Stand
1️⃣芒果椰子奶凍個牛奶味好濃 仲帶淡淡雲呢拿同椰子香🥥布丁好軟滑唔會甜 不過上面嘅芒果粒就偏酸🥭
2️⃣雜莓撻個撻皮唔算好鬆化冇乜牛油香 入面個吉士醬好稀 口感麻麻地😟
3️⃣焦糖燉蛋撻其實就係葡撻 撻皮幾酥脆 個蛋漿好滑蛋奶味都香 唔會好甜👍🏻
4️⃣咖啡朱古力蛋糕口感比較濕 底層嘅蛋糕咖啡味幾出☕️面頭個朱古力忌廉都好濃苦🍫
Sweet Stand
36 瀏覽
2 讚好
0 留言
.
👉🏻Pastry Trolley (可以refill)
1️⃣招牌拿破崙就有少少失望🙍🏻酥皮唔算好有層次 口感唔夠酥脆 但個牛油味又好濃 食落就會偏油膩🧈但個夾心嘅雲尼拿吉士好幼滑 雲尼拿味都好香🤍
2️⃣開心果蛋卷面頭粒車厘子超藥水味 好難食🤮蛋糕入面係包住忌廉 食落冇乜開心果味🥺不過幾鍾意啲白朱古力脆脆 好有口感😎
3️⃣紅桑子慕絲蛋糕
海綿蛋糕中間夾住野莓忌廉 酸酸甜甜 呢款幾開胃🍓🫐
4️⃣香橙茉莉花泡芙有驚喜🥳雖然佢冇乜茶味都冇花香味但係泡芙嘅口感真係好正 佢面頭係有層脆脆皮 好似菠蘿包咁🤩
5️⃣黑朱古力蛋糕 呢度嘅朱古力甜品真係幾出色 無論係啲朱古力片, 朱古力蛋糕 定面頭嘅朱古力忌廉 食落都超濃苦 好正🍫
6️⃣朱古力橙慕絲撻 個人麻麻地香橙味 不過個果味幾開 朱古力都夠苦🍊撻皮都係唔脆嘅🙈
7️⃣朱古力馬卡龍 外殼好趣又帶點煙韌 成粒都好濃苦🤎
Pastry Trolley
40 瀏覽
0 讚好
0 留言
Pastry Trolley
53 瀏覽
0 讚好
0 留言
.
👉🏻Confectionery Trolley (可以refill)
1️⃣朱古力磅蛋糕 有少少失望 朱古力味唔太濃 而且蛋糕嘅口感超級乾🙈
2️⃣士多啤梨忌廉蛋糕味道就比較普通 但係海棉蛋糕超級鬆軟又夠濕潤 忌廉都好軟滑而且奶味好濃 但係忌廉部份比較多 有少少漏🍰
3️⃣香芋蛋糕口感幾豐富 外圍係一層偏硬身嘅蛋糕 內層係香芋蛋糕, 芋頭蓉同香芋忌廉 不過就偏甜同埋好香精味🙊
4️⃣合桃白朱古力 咁多款入面最鍾意係呢款 好軟滑 同鬆化嘅合桃口感好夾 又唔會好甜🤍
5️⃣杏仁黑朱古力 黑朱古力都係好濃苦 但係個杏仁好硬脆 口感唔太夾🫣
6️⃣榛子牛奶朱古力 呢款朱古力嘅口感都好滑身 幾香榛子味唔錯🌰
7️⃣榛子朱古力波 個榛子味仲更加濃香 個味勁似金莎 但偏甜🤣
8️⃣橙朱古力入面係橙醬唔係橙皮 橙味幾香🍊
9️⃣糖漬雜莓解膩必備 酸酸甜甜 無限encore♾️
Confectionery Trolley
26 瀏覽
0 讚好
0 留言
Confectionery Trolley
31 瀏覽
0 讚好
0 留言
.
📌Selection of Tea (可以refill)
1️⃣The Butterfly Room Blend Tea
以綠茶為底 再加左果茶同花茶 清香得嚟又帶點果甜味 好飲🌸
2️⃣Choco Mint Truffle
以紅茶為底 茶味幾濃 微微薄荷嘅後勁🌿但就飲唔出朱古力同雲呢拿香🤫
Selection of Tea
23 瀏覽
0 讚好
0 留言
張貼
