古今二 (觀塘工業中心)

營業中

休息中

見到630pm訂座有85折， menu又好似幾多選擇， 就去試一試😁叫左龍卷風沙律、八爪魚丸、香菇雞肉丸、雞泡魚乾、鹽燒活鰻同富士山。龍捲風沙律有驚喜，面頭係蟹柳，下層有海草同雜菜， 加埋一齊都幾好食， 健康又飽肚。八爪魚丸上台時仲係脆卜卜嘅， 雖然八爪魚唔多， 但味道唔錯。香菇雞肉丸冇乜特別， 但係鹽燒活慢好好食， 外皮燒得好脆，仲要啖啖肉好味雞泡魚乾入味， 不過個人鍾意比較淋啲嘅雞泡魚乾，呢個硬身少少。最後富士山冇乜特別， 只係壽司面頭加啲蟹柳碎，可能食完個龍捲風沙律， 令到富士山失色。總括而言有折可以再嚟。