星洲總廚

營業中

休息中

經過門口出面見都多人食又唔洗排隊，就試試佢。坐隔離張枱係咁讚個豬扒好好食，好鬆軟，好啦，就試下佢啦！叫咗個厚切豬扒。食落係幾鬆軟嘅，不過略嫌有少少肥，有啲油。海鮮大燴叻沙，揀咗板麵，唔係好夾，都係油麵會啱啲。味道唔錯，湯底都夠濃。滿堂椰漿飯，有燒雞扒，咖喱牛腩，豬頸肉。啲豬頸肉爽到有啲驚，雞扒唔配飯有啲鹹，配飯就啱啱好，咖喱牛腩好腍，好好食，個飯就冇乜椰漿味，不過不失。鴛鴦桔仔話梅水，幾好飲，酸酸甜甜幾清新。白咖啡就正正常常。整體嚟講發揮到應有嘅味道，未到非常出色，可以試一次。