哥老官重慶美蛙魚頭 (已結業)

接受openrice 訂枱至夜晚10點, 入座時老細話食到幾點都得，咁ok 啦。照食。去到11:30 pm 左右有個大嬸熄哂成間餐廳d 燈，黑哂。然後走嚟執嘢話自己收11pm. 你早講哎，唔駛熄燈嘛。第一次出街食飯有咁嘅service . 要準時收工就唔好接人生意啦。講番嘢食，最signature 嘅牛油麻辣湯底剩係食到咸味同牛油味，又唔麻又唔辣。嚟得呢度緊係食田雞，火鍋店叫田雞好應該都係新鮮原隻上，但呢間店d 田雞上枱時係唔知用d 咩淥過嚟，好明顯係唔新鮮，除咗田雞大隻d外一d 都唔好味，d 肉又係有浸咸味。好似乜x都用嘢醃到佢無哂本身原材料嘅味為止。劣食。見openrice 個個都話黑松露墨魚滑好味，d 肉散㗎！仲有條老細咩都剩係識講對唔住，聽到佢同枱枱都不停say sorry 。做好d做間有誠意嘅餐廳就唔駛同人say sorry la ! 人哋嚟餐廳食嘢唔係要聽你say sorry 同原諒你呀。伏咗呀，香港人千祈唔好去試呀。