吱吱朕 (已結業)

難得今日星期五, 去中環辦完事之後去咗呢間,開頭以為係一間酒吧有諗住同老公去happy hour囉🍷餐廳位置喺荷李活道落咗扶手電梯之後行一兩個block 轉上peel street就到嘞! 其實個名已經好得意, 裝修又夠玩嘢 ,我哋去到時候只係五點九, 跟住佢同我講七點半要還枱 🤔可能因為星期五啦, 我哋都係入咗去,坐低之後就睇menu. 原來都幾多嘢食㗎噃, 因為我哋習慣咗食飯所以直情叫大鍋飯🙃 店舖嘅員工都好nice坐低之後仲同我哋講話掛喺牆上面嗰啲中國服飾可以著上身影相㗎!😎我哋見人少少咪玩下囉, 著上身之後店員幫我哋影多幾幅相感覺都幾得意 😉輪到食物喇 -其實就冇乜expectation嘅, 點咗鰻魚飯窩蛋牛肉飯, 兩串串燒, 一個蟹沙律, 兩杯嘢飲 ,估唔到都幾好食喎 又唔係十分貴, 中環我覺得ok !如果一大班朋友你一定好開心!值得推介 ,可以再去 !買單嘅時候佢仲送咗張100蚊嘅coupon畀我哋添