古今二 (觀塘工業中心)

營業中

休息中

一直都好想試古今二，今日嚟開觀塘攞貨，順便就去位於觀塘工業中心嘅分店買外賣。前菜當然要食番個沙律，呢個日式麻醬秋葵豆腐沙律菜夠新鮮，用料好味又健康。佢哋嘅卷物出名有特色，呢個彩虹卷就係用上三款唔同刺身加牛油果包裹住外層，色彩非常斑斕。而卷物入面就有青瓜同蟹柳。忘不了你係用芒果包住卷物，再唧上Wasabi沙律醬。入面就卷住炸牛肉同芝士，口感豐富味道亦好夾。茄子一向係我嘅至愛，所以就揀咗呢個櫻花蝦茄子燒。醬燒嘅茄子上面鋪上大量櫻花蝦，茄子肉好滑而櫻花蝦就好香，呢個配搭真係冇得彈！心思思想食串燒，淺嘗一串秘製蒜香牛油燒帆立貝獎勵吓自己，帆立貝充滿着牛油蒜香味，非常惹味。最後仲揀咗個日式炒烏冬，入面嘅材料非常豐富。除咗有大量蔬菜，仲有我特別鍾意嘅豚肉同名門卷，小朋友就最鍾意食。