影片
更多
2024-01-23
1012 瀏覽
本人第一次喺openrice寫食評，因為真係極度不滿😅🙏🏻呢篇野係坐喺餐廳食呢個所謂放題期間打的，真係太唔開心了120分鐘牛扒放題，兩人共$556，連加一$611一坐低侍應已經話六款主菜入面有兩款都冇諗住叫三樣主菜，又比侍應話一次淨係叫住兩樣先，話驚啲野食凍喎😅😅侍應同你講野都係插住褲袋咁，非常串嘴首先，日式醬燒牛柳完全冇牛味，中間位咬到牙較都軟埋…普通茶餐廳都好食過佢牛面頰就好似煲湯淨低嘅肉，又係冇肉味可言雞扒又係茶餐廳質素😅日式未噌芝士意大利飯只係撈左汁嘅飯，完全冇意大利飯應有嘅顆粒感、硬度同黏稠感迷你自助吧就係兩張長檯拼埋，甜品只有泡芙同兩款蛋糕，味道非常一般唯一好食啲嘅係最唔值錢嘅薯餅同薯條…收人每位三百幾蚊食兩個鐘嘢飲都淨係包一杯見其他食評話有movenpick雪糕，但當日去只有雀巢雪糕😅😅成間嘢俾人感覺就係非常非常孤寒😅🙏🏻千！祈！唔！好！黎！尤其係食呢個所謂牛扒放題😅真係極度極度失望，性價比極低！咁嘅質素都喺觀塘生存到，非常令人不解🥲
120分鐘牛扒放題，兩人共$556，連加一$611
一坐低侍應已經話六款主菜入面有兩款都冇
諗住叫三樣主菜，又比侍應話一次淨係叫住兩樣先，話驚啲野食凍喎😅😅侍應同你講野都係插住褲袋咁，非常串嘴
首先，日式醬燒牛柳完全冇牛味，中間位咬到牙較都軟埋…普通茶餐廳都好食過佢
牛面頰就好似煲湯淨低嘅肉，又係冇肉味可言
雞扒又係茶餐廳質素😅
日式未噌芝士意大利飯只係撈左汁嘅飯，完全冇意大利飯應有嘅顆粒感、硬度同黏稠感
迷你自助吧就係兩張長檯拼埋，甜品只有泡芙同兩款蛋糕，味道非常一般
唯一好食啲嘅係最唔值錢嘅薯餅同薯條…
收人每位三百幾蚊食兩個鐘嘢飲都淨係包一杯
見其他食評話有movenpick雪糕，但當日去只有雀巢雪糕😅😅
成間嘢俾人感覺就係非常非常孤寒😅🙏🏻
千！祈！唔！好！黎！尤其係食呢個所謂牛扒放題😅真係極度極度失望，性價比極低！
咁嘅質素都喺觀塘生存到，非常令人不解🥲
張貼