School Food (已結業)

其實我一向都幾鍾意食韓國嘢，香港亦都有不少有質素嘅韓國餐廳，但今次去完呢間school food都發現有少少中伏，應該都唔會再有下一次。今晚只係我同男朋友兩個人食飯..入到餐廳其實我覺得服務質素都唔算差，因為之前睇食評好多人都話服務質素唔係咁好。因為當晚侍應生都好主動咁拎兩杯水比我地..之後就同我地介紹餐牌上面嘅食物，因為我同男朋友本身都唔係好食得辣，侍應生都好有耐性同我地講解呢款食物比較適合我哋。我地當晚點左個韓海部隊同埋韓風牛仔鐵鍋飯。野食就真係唔抵食，大家都見到得嗰三舊咁嘅牛仔骨就已經要$138，啲薯仔乾爭爭，牛仔骨又銀，我都唔係好明白點解會值呢一個價錢。韓海部隊味道方面叫做好少少，不過都講唔上好好食架喇！所以呢間韓國餐廳只此一次。