影片
更多
2022-11-11
99 瀏覽
星期五晚買咗戲飛喺長沙灣睇夜場🎬，所以就近近地去咗附近食嘢。我哋久仰「蘇山雞飯」嘅大名多時，但一直未有機會到訪。呢度係街坊店嘅格局，面積都幾大。餐廳匯集多款東南亞美食於一堂，並設有套餐以及加配小食嘅選項。我哋嗌到成枱嘢食，埋單都唔使$300，算係性價比高👍。招牌海南雞飯配雞雜冬瓜湯($80)，單睇價錢唔平，不過套餐完整。🐔去骨海南雞味道幾出色，雞肉嫩滑，雞皮爽彈，而且唔係雪到無喱味道嗰種雞；配以三色醬油食，口味正宗。🍚油飯軟硬適中兼入味，但就略嫌油咗啲。冬瓜湯味道清淡，估佢唔到落咗雞雜，幾特別。新加坡白胡椒排骨茶湯米粉($68)，🍖白胡椒肉骨茶嘅特色就係冇原味肉骨茶咁重藥材味，並且多咗份胡椒香，🔥飲落好暖身，亦覺得冇落味精。我嗌咗米粉底都唔錯，麵條索湯得嚟又無太淋🍜。肉骨茶入面有一字骨同豆卜，另外仲跟埋油炸鬼。特色小食拼盤($78)，小食拼盤非常豐富又抵食🍗，內容包括雞全翼、泰式魚餅、脆炸鳳尾蝦春卷、黑椒扎肉同埋順化炭燒豬肉串。雖然佢哋全部都係油炸，但勝在夠香口。🐷豬肉串具特色，扎肉有驚喜，幾彈牙；而雞翼原隻切件上，食用方便；最後魚餅就意外地好辣。參巴醬通菜(+$20)，估唔到跟餐嘅菜
星期五晚買咗戲飛喺長沙灣睇夜場🎬，所以就近近地去咗附近食嘢。我哋久仰「蘇山雞飯」嘅大名多時，但一直未有機會到訪。呢度係街坊店嘅格局，面積都幾大。
餐廳匯集多款東南亞美食於一堂，並設有套餐以及加配小食嘅選項。我哋嗌到成枱嘢食，埋單都唔使$300，算係性價比高👍。
招牌海南雞飯配雞雜冬瓜湯
$80
7 瀏覽
0 讚好
0 留言
招牌海南雞飯配雞雜冬瓜湯($80)，單睇價錢唔平，不過套餐完整。🐔去骨海南雞味道幾出色，雞肉嫩滑，雞皮爽彈，而且唔係雪到無喱味道嗰種雞；配以三色醬油食，口味正宗。🍚油飯軟硬適中兼入味，但就略嫌油咗啲。冬瓜湯味道清淡，估佢唔到落咗雞雜，幾特別。
新加坡白胡椒排骨茶湯米粉($68)，🍖白胡椒肉骨茶嘅特色就係冇原味肉骨茶咁重藥材味，並且多咗份胡椒香，🔥飲落好暖身，亦覺得冇落味精。我嗌咗米粉底都唔錯，麵條索湯得嚟又無太淋🍜。肉骨茶入面有一字骨同豆卜，另外仲跟埋油炸鬼。
特色小食拼盤
$78
12 瀏覽
0 讚好
0 留言
參巴醬通菜(+$20)，估唔到跟餐嘅菜咁大碟💚，我諗同酒樓炒菜差唔多。通菜嫩綠爽脆，不過如果參巴醬再辣啲同惹味啲就好。
手作蛋白杏仁茶
$30
7 瀏覽
0 讚好
0 留言
總括嚟講，呢餐東南亞美食讓人滿足，我哋食到捧住個肚走。Susan各方面都好平均，難怪咁多人成為佢嘅裙下之臣，專登前來到訪🤣。
張貼
