龍門冰室 (已結業)

一個人，去食個孤獨早餐，見呢間響呢一區未食過，決定入去try try, 叫咗個A1早餐，火腿通加錢可轉麻油或黑蒜一丁，就要咗轉麻油一丁，有炒蛋多士，ok, 8分鐘等待後，麵同炒蛋多士前後腳到，開餐！丁麵先，火腿ok, 仿鮑片ok, 但溫暖、林晒、要自己另外落湯粉同麻油嘅麻油一丁，真係接受唔到。既然客人加$4叫「麻油一丁」，放埋味粉同麻油去煮會好啲，碗麵真心好難食。叫炒蛋，嚟到嘅係精緻煎蛋皮卷，仲要好咸！咸到苦。多士微温、林、韌。咖啡還可。服務無，你一停手，佢就攞走。全個早餐$38，伏。