六合小巷 (已結業)

台式鵪鶉蛋滷肉飯 $53平時食開嘅滷肉飯都用上雞蛋，今次就用咗兩粒鵪鶉蛋代替，滷肉同醬料好香，同白飯個比例啱啱好。半筋半肉麵 $88餐廳安排咗上菜時先加湯，確保每碗湯麵都係熱辣辣送到枱到，湯係藥膳湯底，牛筋唔需要多講，一食落去已經好淋，好入味，有驚喜嘅係牛肉，牛肉淋到好似牛筋咁，食落唔黐牙，成個感覺好好。鹽酥魷魚鬚 $68魷魚鬚炸粉皮簿，而且魷魚鬚條條都好大條，要將佢慢慢咬開先得。抹茶麻糬 $42麻糬食落好彈，好QQ，配上抹茶粉，唔會太甜，係一個晚餐完美嘅句號。