影片
更多
2018-02-14
225 瀏覽
前幾日食完放題俾媽咪知道左又話要食，所以趁禮拜六放假，帶左佢去試下十樓呢間入到去幾闊絡，大部分都係坐到四人既卡位，私隱度高，有塊竹簾隔住，唔怕上菜時成日俾隔離枱望住哂可能因為午市既關係，唔算話好多客。野食唔算話非常多，但刺身壽司炸物煮物應有盡有。撞正period所以剩係點左幾樣刺身，包括有頭甜蝦、迷你甜蝦、三文魚同我的最愛珍寶帶子刺身質素唔錯幾新鮮，三文魚、帶子都好厚身好肥美蝦類雖然偏細隻啲，但好重鮮味。今次嗌既大部份都係熟食，但居然有驚喜炸物類：炸物類唔算太油，全部炸得好香口，炸粉唔會好厚，而且樣樣都即炸熱辣辣上枱。紫心香芋丸，內餡真係芋頭蓉，好香芋頭味，唔會太甜。吉烈帶子，呢個我同媽咪都一致決定要encore帶子，好厚肉，而且食落鮮甜，唔會好膠一陣雪味咁。台式鹽酥花枝丸，呢個偏油少少，而且鹽酥有啲鹹，但勝在好彈牙同好重花枝味。榴槤炸彈（上圖），如圖所見，炸到恰到好處，榴槤呈流心狀態，好邪惡呀流心芝士年糕（下圖），外脆內煙韌，一咬落去年糕既香甜同流心芝士既微咸香好夾，忍唔住一啖口氣啪哂成粒鐵板野菌炒雜菜，材料有椰菜、雞脾菇、秀珍菇，好多時食既日式炒雜菜都會好油好鹹，但呢度一啲都唔油不
所以趁禮拜六放假，帶左佢去試下十樓呢間
入到去幾闊絡，大部分都係坐到四人既卡位，
私隱度高，有塊竹簾隔住，
唔怕上菜時成日俾隔離枱望住哂
可能因為午市既關係，唔算話好多客。
野食唔算話非常多，
但刺身壽司炸物煮物應有盡有。
撞正period所以剩係點左幾樣刺身，
包括有頭甜蝦、迷你甜蝦、三文魚同我的最愛珍寶帶子
刺身質素唔錯幾新鮮，
三文魚、帶子都好厚身好肥美
蝦類雖然偏細隻啲，但好重鮮味。
今次嗌既大部份都係熟食，
但居然有驚喜
炸物類：
炸物類唔算太油，全部炸得好香口，炸粉唔會好厚，
而且樣樣都即炸熱辣辣上枱。
紫心香芋丸，內餡真係芋頭蓉，好香芋頭味，唔會太甜。
吉烈帶子，呢個我同媽咪都一致決定要encore
帶子，好厚肉，而且食落鮮甜，唔會好膠一陣雪味咁。
台式鹽酥花枝丸，呢個偏油少少，而且鹽酥有啲鹹，
但勝在好彈牙同好重花枝味。
榴槤炸彈（上圖），如圖所見，炸到恰到好處，榴槤呈流心狀態，好邪惡呀
流心芝士年糕（下圖），外脆內煙韌，一咬落去年糕既香甜同流心芝士既微咸香好夾，
忍唔住一啖口氣啪哂成粒
鐵板野菌炒雜菜
17 瀏覽
0 讚好
0 留言
鐵板野菌炒雜菜，材料有椰菜、雞脾菇、秀珍菇，好多時食既日式炒雜菜都會好油好鹹，
但呢度一啲都唔油不特止，調味剛剛好，
用既應該日式醬油，甜甜地，椰菜本身亦好清甜。
美式特濃芝士茄醬烤雞球
13 瀏覽
0 讚好
0 留言
美式特濃芝士茄醬烤雞球，第一次食，必試！
雞粒大大粒，好滑，無雞皮，應該係雞脾肉，
啲芝士落得毫不吝惜，好creamy表面焗得岩岩好，微焦好香口。
兩個人總共食左８粒！！
特色士多啤梨骨（下圖上），醬料好惹味，好似生炒骨咁酸酸甜甜，
肉炒得岩岩好，唔會好老好韌，
但骨頭略嫌多左少少，多肉啲會更好，哈哈
估唔到日式放題又有泰國野，當然要試下
香茅燒豬頸肉（上圖下），豬頸肉肥瘦平均，外皮燒至微焦，好香口，
肉質爽口，不肥不膩，配埋泰式辣醬好惹味，
生菜墊底，食用時可以配合一齊食用別有一番風味。
飛天通菜
21 瀏覽
0 讚好
0 留言
飛天通菜，火侯控制得好好，菜唔會煮得過淋，
鹹淡適中，亦唔油膩，
發現呢度啲菜都炒得好好食
鳳尾蝦春卷（圖上），值得一讚，都係必嗌蝦肉本身好鮮甜，包喺外層既米紙炸得好鬆脆，
一咬落去好似食梗蛋卷咁。
自家製手打炸蝦餅（圖下），
如其名真係食得出係手打，蝦肉好厚實彈牙。
最後當然係壓軸既甜品啦，
食到差唔多職員會主動遞上甜品點餐紙，
或者主動問佢地拎都可以
白皮明月冰卷（左上），糯米外層煙韌唔痴牙，糯米味好香，
裡面既紅豆蓉好紅豆，香得黎又唔會好甜
迷你心太軟（左下），即叫即焗，外脆內流心，
用既係微苦既朱古力，媽咪唔食甜都話好食，相信唔好甜既都食到，食一粒完全唔夠喉呀
3.6牛乳奶凍（右），好滑好動L～
試過食過啲奶凍整到好硬好膠，呢度完全唔會！而且奶香味好重
本身應該刺身係主角既放題，
居然妹仔大過主人婆，啲熟食仲高質，尤其係泰國野～
真心有驚喜
張貼
