影片
更多
2023-02-03
68 瀏覽
講真，平時係屋企就唔會下廚，但出街就覺得自己動手好好玩，到底係因為啲咩先導致啲咁奇怪嘅思維⋯⋯冇錯！就係唔使自己洗野買野。我缺乏嘅係自己動手嘅心咩，Nonono ，我係唔想自己去準備野炸（則係簡稱懶）而且一個兩個人份量嘅漢堡扒，真係好難準備，然後無意之間就比我發現咗呢一間可以自己DIY漢堡扒，咁當然要來試吓啦因為都知道依一間都算係人氣餐廳，所以好早就過咗去食，基本上食嘅時候就冇咩人，所以就算食完都唔會話好大陣油煙味，但係唔係好肯定係唔係因為個抽風系統好嘅關係，或者是因為我哋食嗰陣冇咩客嘅關係（雖然每個位都對應一個抽風管，但係唔係100%可以完全抽走晒，所以盡量唔好着啲吸味嘅衫）因為是第一次嚟，梗係試啲最普通嘅先，咁就同朋友嗌咗個兩人套餐（Ver.1）分別有芝士蛋和牛漢堡扒(M)、雞蛋和牛漢堡扒(M)、忌廉艺士沙律和兩杯野飲；咁除此之外，仲有白飯，湯同一份細細碗嘅胡麻沙律職員將食物上枱之後，會問你係唔係第一次嚟食，如果係的話，職員會簡單介紹一下點樣整，之後你就可以自己動手啦，不過一開始可以先整份細份少少嘅比自己熟習一下，唔好好容易煎燶我就食芝士蛋和牛漢堡扒，咁味道方面我覺得原本嘅味道已經
因為都知道依一間都算係人氣餐廳，所以好早就過咗去食，基本上食嘅時候就冇咩人，所以就算食完都唔會話好大陣油煙味，但係唔係好肯定係唔係因為個抽風系統好嘅關係，或者是因為我哋食嗰陣冇咩客嘅關係（雖然每個位都對應一個抽風管，但係唔係100%可以完全抽走晒，所以盡量唔好着啲吸味嘅衫）
11 瀏覽
0 讚好
0 留言
因為是第一次嚟，梗係試啲最普通嘅先，咁就同朋友嗌咗個兩人套餐（Ver.1）分別有芝士蛋和牛漢堡扒(M)、雞蛋和牛漢堡扒(M)、忌廉艺士沙律和兩杯野飲；咁除此之外，仲有白飯，湯同一份細細碗嘅胡麻沙律
芝士蛋和牛漢堡扒
7 瀏覽
0 讚好
0 留言
職員將食物上枱之後，會問你係唔係第一次嚟食，如果係的話，職員會簡單介紹一下點樣整，之後你就可以自己動手啦，不過一開始可以先整份細份少少嘅比自己熟習一下，唔好好容易煎燶
我就食芝士蛋和牛漢堡扒，咁味道方面我覺得原本嘅味道已經好足夠，所以唔需要再加其他調味料，不過食落去係比一般平時食到嘅漢堡扒香（唔知係咪因為自己動手製作，特別好食啲嘅）而且係多肉汁嘅，唔會食落去好死實實
8 瀏覽
0 讚好
0 留言
你可以自己控制漢堡扒嘅大小，好似我咁就可以整成一口嘅大細，我朋友就整大約2/3熱石大細嘅漢堡扒，大約可以整到六七塊左右
你可以一開始就煎好晒，或者可以慢慢一路傾偈一路剪，而且唔洗擔心熱石凍左點算好，因為職員見你熱石凍左會幫你換新，可以keep 住咁熱
不過提醒一下，佢繁忙時間限時60分鐘，咁樣就唔可以煎咁慢
忌廉艺士沙律
7 瀏覽
0 讚好
0 留言
咁除咗漢堡扒之外，兩人套餐仲會有一大份忌廉芝士沙律，你可以選擇撈勻一齊食，或者用嚟點麵包食都得，佢落咗少少蜜糖甜甜地，幾開胃，而且沙律菜可以解膩，食多少少都唔怕
除此之外，餐廳有提供圍裙同埋索性袋，有需要的話可以問職員攞
總括嚟講，又有得玩，又有得食，幾推薦去試吓
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
張貼
