哈豆

營業中

休息中

尼間哈豆位於觀塘富利工業大廈的一間台式餐廳。朋友係觀塘番工成日都會過黎尼間食，甘今日甘岩經過就上去試下啦。一上到去，環境都幾大，已經坐滿左一大半既坐位，估唔到甘多人。我地坐底左 叫左四樣菜：紅油三色水餃，炸豬扒肉燥飯，豪華刀客牛肉湯麵🍜同麻醬伴菜。另外，仲叫左杯奶凍仙草。首先，先上炸豬排肉燥飯。附送一粒酸梅，酸梅甜甜酸酸的，好開胃呀！豬扒皮脆，肉嫩多汁。個肉燥飯都整得好台式好正宗。尼個真係好好食！必點推薦！高質高質！！然後，紅油三色水餃🥟。水餃有三種顏色，入面都唔同餡料。有菜肉餃，粟米肉餃同薑絲肉餃。三種都唔錯！！仲有係麻醬伴菜，尼個就普普通通，無咩特別啦。最後就係好有台灣風味的豪華刀客牛肉湯麵。牛肉真係厚身同好林身，好入味。湯底十分惹味！入面仲有蘿蔔同紅蘿蔔，浸晒湯底既汁入去，十分惹味。推薦呀👍👍👍仲有就係我最鍾意既奶凍仙草。淡奶作底，微甜。再加埋仙草，仙草口感有微QQ的，真係好好飲！尼間哈豆價錢又實惠食物又好味。仲有就係坐得舒服，空間感大。係一間高質有心的台式餐廳！