群記清湯腩 (已結業)

群記牛腩店係牛腩街都算出名，即使店位於大埔，之前都試過14:00去覓食，一去就已經被通知話請啲牛腩已售完，當時就已經知道群記牛腩店一定有佢嘅特色之處。相隔幾個月，我再唔死心去多次希望可以有機會食到啦，一去到見到門前冇收完嘅字眼已經非常興奮， 兩點多入去即刻有位坐，就嗌左一碗爽覽河粉，一碗牛腩牛筋米粉，本身想多叫一個牛骨湯但係一問之下，店員話所有嘅湯麵都係牛骨湯底，所以就冇需要特別再叫。爽腩河粉非常出色，一入口就知道同普通牛腩唔一樣，食得出係牛最Q彈嘅部位，黐住一層薄薄筋膜，煙煙銀銀，又爽又脆，食完完全明白佢價錢貴過其他牛腩嘅地方，加上牛骨湯非常出色一上枱，首先湯面就有一層博博嘅油脂，一入口質感非常之濃郁，牛味出眾。相比之下牛腩牛筋就比下去了，但不得不提就係牛筋分量非常多，同牛筋係煮到好似花膠咁林入口即溶，呢個價錢來講非常抵食。當日我哋大約2:45坐低，當我哋點完餐開始食嘅時候，就已經聽到店員同等緊嘅顧客講爽覽已經賣晒，當時只不過係3:00咋。所以有興趣嘅朋友記得喺兩點前去到就最安全。