火鍋煮場

營業中

休息中

今晚約埋三五知己嚟到深水埗呢間 “火鍋煮場” 打邊爐。 雖然門口好似冇咩特別，但係入面啲嘢呀真係好有驚喜。 好在我哋早去打邊爐，所以唔洗點等位，空間好闊落，坐得都幾舒服。 1. 自製三色餃： 餃子粒粒都係拳頭咁大隻， 啖啖肉，好好咬口。2. 即炸紫菜響鈴： 侍應話呢個紫菜響鈴係 即叫即炸， 一上碟仲係熱辣辣， 第一次食響鈴夾埋紫菜，效果一流。3. 蟶子： 聖子連埋粉絲非常之甜，聖子成隻碟咁長添，清爽正呀！！4. 三色牛肉拼盤： 呢個拼盤包括安格斯牛小排、本地牛頸脊、牛展。 肉色好靚，雪花邊好平均，超級有牛味。5. 冰豆腐： 食落感覺好似蜜蜂巢嘅豆腐咁樣， 口感硬硬地，幾特別。6. 蕃茄海鮮湯底： 放上枱已經聞到番茄嘅香味，滾起咗之後更加香。 加上有海鮮嘅關係， 啖湯味更加鮮甜。