倫哥尚品火鍋私房菜 (已結業)

之前都有食過幾次倫哥尚品火鍋私房菜，記得早期是在觀塘工廈的，今次到觀塘創業街泰利廣場地舖， 本身打電話訂位但是已經滿座，所以上門walk in睇下有冇位，咁好彩俾我訂到兩位七點鐘！ 真係有食神！前菜 ~ 兩款都是惹味又健康的。刺身拼盤 ~ 二人份量夠新鮮鮑魚花膠 ~ 上枱的時候稍為比較凍，但我不太介意，因為我最想是吃雞煲和打邊爐的。燉湯 ~ 每人一碗燉湯，足料又好味！呢排天氣咁凍，飲返碗暖笠笠嘅燉湯非常舒服。魷魚豬皮 ~ 食雞煲的配料， 當雞煲食到咁上下，放埋魷魚豬皮落去吸哂雞煲的味，超級正！雞煲 ~ 我們點了小辣， 同之前食過一樣，保持水準！ 味道調教得剛剛好。墨魚滑和蝦滑 ~ 爽口彈牙。餃子拼盤 ~ 有韭菜餃和雲吞，這個可以用皮薄餡靚來形容。打邊爐點少得炸魚皮和響鈴，響鈴放落火鍋，數兩三秒立即拎上嚟，吸咗火鍋湯的味道但又脆卜卜好好味！牛頸脊 ~ 打邊爐最緊要食肥牛，呢一碟牛頸脊真是不得了，肥瘦適中，牛香味濃郁！海鮮拼盤 ~ 每樣海鮮都是二人份量，其實都已經足夠了， 基本上我都冇再追加任何食物因為真是太飽， 海鮮全部都很新鮮。花蛤 ~ 每粒大大粒， 用嚟打邊爐又新鮮又鮮味！最後有涼粉