影片
更多
2023-09-25
297 瀏覽
第二次到訪呢間精品咖啡店，上次夜晚去飲唔到佢嘅咖啡，今次揀咗中午到訪，嘆返個lunch同回魂啡！佢呢度嘅主打一定係全日早餐，夠晒豐富，而且可以自己加配食物，另外仲有唔少沙律、意粉同三文治組合，仲新增咗牛角包窩夫🥐，選擇夠晒多！裏面嘅木系裝修，夠光猛幾溫馨坐得都舒服！小店嘅精品咖啡好有質素，真係有一個咖啡豆單，對咖啡品質有要求，有唔少客人特登為咗杯啡過嚟！🔖凡購買任何主食，飲品有半價優惠，仲要唔洗加一，抵食又高質！------------------------------🍳◖超級全日早餐◗ $135佢呢度淨係全日早餐都有三款可以揀，呢個All Day Breakfast有沙律菜、煙三文魚、煙肉、紐倫堡腸、芝士大啡菇、炒滑蛋、車厘茄、新鮮水果、焗豆同埋法式奶油餐包，好豐富，加$15仲可以將個餐包轉做牛角包！好鍾意佢個大啡菇，鮮嫩多汁；煙三文魚煙熏味好香，份量都唔少～即叫即整，仲可以根據個人口味加配食材，整體發揮都唔錯，乜都可以試啲！🥩◖黑牛安格斯西冷沙律◗ $138沙律配上安格斯西冷，滿滿嘅蛋白質，有營養又好食！原塊安格斯西冷牛扒已經切成條狀，食落牛味香濃，可能肉質比較瘦，口感會比較
🔖凡購買任何主食，飲品有半價優惠，仲要唔洗加一，抵食又高質！
------------------------------
🍳◖超級全日早餐◗ $135
佢呢度淨係全日早餐都有三款可以揀，呢個All Day Breakfast有沙律菜、煙三文魚、煙肉、紐倫堡腸、芝士大啡菇、炒滑蛋、車厘茄、新鮮水果、焗豆同埋法式奶油餐包，好豐富，加$15仲可以將個餐包轉做牛角包！好鍾意佢個大啡菇，鮮嫩多汁；煙三文魚煙熏味好香，份量都唔少～即叫即整，仲可以根據個人口味加配食材，整體發揮都唔錯，乜都可以試啲！
🥩◖黑牛安格斯西冷沙律◗ $138
沙律配上安格斯西冷，滿滿嘅蛋白質，有營養又好食！原塊安格斯西冷牛扒已經切成條狀，食落牛味香濃，可能肉質比較瘦，口感會比較韌～點上滿滿芥末籽嘅蜜糖芥末醬，更加大得出牛肉嘅香味！
☕️◖Dirty◗ +$27.5
揀咗燕麥奶底，再滴上Espresso，咖啡香醇味道fruity，配上燕麥奶，超好飲！
☕️◖Cappuccino◗ +$22
同樣揀咗燕麥奶底，奶泡打綿密細滑，飲落順喉，味道好濃厚！
🌟Encore指數：9/10
張貼
