栢檔去骨海南雞飯 (已結業)

一段時間無泥，今晚再次泥到佐敦嘅栢檔，未入去已經見到門口寫住做到今個月嘅通知，感到有點可惜。 一間係無論係自己一個 或者係 同其他朋友都會泥食嘅餐廳就嚟要結業，栢檔呢個名真係比我有好大嘅親切咁。雖然有其他分店，但佐敦呢間分店位置好方便，希望老闆可以襯最近其他街舖都減租，喺同區附近搵番個更好又租金相宜嘅位置。近排係非常時期，餐廳有做到用圍板去儘量分隔食客嘅距離，所以今晚坐得較為鬆動。至於食物方面，海南雞飯依然好食，同三色嘅雞汁好相配，油飯少油咗但無之前咁香。 今晚個湯有少少失望，因為平時飲開有好多南瓜溶，今晚個湯好似稀咗少少。