影片
更多
2016-11-01
547 瀏覽
我走到 reception 話想坐低左先去買海鮮，誰知侍應姐姐話唔得囉，咩道理呀？上網搜集一大輪資料後，決定好碑最好既忠仔記，誰知黎到時原來是係賣海鮮架乍，要再到附近食肆加工囉，無緊要，我早有準備 ﹗泰海鮮，Go Go Go ﹗係忠仔記買完超新鮮超抵游水海鮮後，帶埋海鮮走到泰海鮮加工，但居然要等位囉，幸好不到 10 分鐘就入座隔離的小舖位，兩個坐大檯？唔洗迫迫夾夾，正呀。泰海鮮每日只做兩隻招牌炸子雞，又食唔到喇，已經三顧草蘆無雞叫 ﹗不設海鮮供應，必須來料加工，另有少量泰菜供應，菜色都好吸引。忠仔記新鮮食材，加埋泰海鮮 7 種海鮮烹調加 1 碟菜 2 支啤酒 1 可樂，埋單價錢都合理。角螺 2 隻、珍寶扇貝 2 隻、澳洲花龍蝦 1 隻、瀨尿蝦皇 3 隻、黃油奄仔蟹 1 隻、大花竹蝦 1 斤、大花螺 1 斤。 堂灼角螺 2 隻、上湯焗龍蝦 1 隻、椒鹽瀨尿蝦皇 2 隻、鹽焗黃油奄仔蟹 1 隻，食食下似乎唔多夠食，唔想食粥粉麵飯，都係返去忠仔記補補倉先得呀！行到老遠的忠仔記入貨，追加蒜蓉粉絲蒸扇貝 2 隻、椒鹽瀨尿蝦皇 1 隻、白灼大花竹蝦 1 斤、辣酒煮大花螺 1 斤，紅瓜子 $280、
泰海鮮，Go Go Go ﹗係忠仔記買完超新鮮超抵游水海鮮後，帶埋海鮮走到泰海鮮加工，但居然要等位囉，幸好不到 10 分鐘就入座隔離的小舖位，兩個坐大檯？唔洗迫迫夾夾，正呀。泰海鮮每日只做兩隻招牌炸子雞，又食唔到喇，已經三顧草蘆無雞叫 ﹗
不設海鮮供應，必須來料加工，另有少量泰菜供應，菜色都好吸引。忠仔記新鮮食材，加埋泰海鮮 7 種海鮮烹調加 1 碟菜 2 支啤酒 1 可樂，埋單價錢都合理。角螺 2 隻、珍寶扇貝 2 隻、澳洲花龍蝦 1 隻、瀨尿蝦皇 3 隻、黃油奄仔蟹 1 隻、大花竹蝦 1 斤、大花螺 1 斤。
堂灼角螺 2 隻、上湯焗龍蝦 1 隻、椒鹽瀨尿蝦皇 2 隻、鹽焗黃油奄仔蟹 1 隻，食食下似乎唔多夠食，唔想食粥粉麵飯，都係返去忠仔記補補倉先得呀！
行到老遠的忠仔記入貨，追加蒜蓉粉絲蒸扇貝 2 隻、椒鹽瀨尿蝦皇 1 隻、白灼大花竹蝦 1 斤、辣酒煮大花螺 1 斤，紅瓜子 $280、澳洲花龍 $340、大花螺 $120，差不多喇！多謝姐姐送加拿大花蛤半打，真客氣。上兩次都有送鮑魚、瀨尿蝦皇請我食呢，太好了。
泰式鳳爪，不過不失無特別，夠凍夠酸夠爽脆，辣稍強一點更好。蒜蓉炒芥蘭，簡單的烹調，高質的出品。有鑊氣、有菜甜、有鮮味，爽中帶嫩，每口都充滿菜汁，輕輕的調味，清新滿足。
上湯焗龍蝦，新鮮度爆燈，紮紮跳送入廚房，香噴噴熱燙燙送上 ﹗索一索精神爽利、舔一舔舒筋活絡。焗得剛剛好，就係那重要的幾秒鐘，上湯滲進每條纖維之間，蝦肉彈力無窮，蝦汁澎湃激射，爽嫩鮮味，觸動全身每個細胞，非常震憾 ﹗大量甘甜蝦加上啖啖嫩肉，必食之選，無得彈。
椒鹽瀨尿蝦皇，巨形大大碌，炸得外殼香非凡，鋪上微辣香口辣椒蒜酥非常惹味，如果有碗上湯齋河撈黎食堅係企唔穩呀 ﹗蝦肉嫩滑堅延又充滿彈性，不會霉肉、不會腍劈劈。剝殼再整條肉塞入口中，一咬爆汁，好食到想講粗口呢 ﹗斑馬瀨尿蝦雖然比瀨尿蝦皇更大隻更多肉，但肉質偏腍而味道偏淡，當然我最愛都係後者啦。
明火堂灼角螺，無深海響螺皇，角螺仔都照殺啦，價錢差十倍。師傅刀功不錯，片得薄薄亦排得公正，侍應叔叔連 gas 爐一齊送上。靜待上湯滾開，起動 ﹗溫柔地隨隨夾起片角螺肉，在滾滾上湯中來回飄盪數秒，得左。直掉入口中，螺頭非常甜美又爽脆滑滑、螺身軟棉棉可口無比，救命啊 ﹗兩隻只得十餘片點夠喉呢？忘記了飲埋個上湯去添，灼完螺片必定非常鮮甜啦。加個粉絲都好喎、加個烏冬亦好，越諗越興奮，但都已經太遲喇。
泰式炒通菜，so Lucky ﹗水通黎架，幾驚唔係呢！翠綠爽嫩勁多汁，每一咬都充滿水份，趙到索索聲，聲音悅取，越食越開心。泰醬香辣重口味，輕輕帶著甜，鑊氣夠勁，好美味。記住要趁熱食，凍左較油較黏而略咸。
鹽焗黃油奄仔蟹，咸香迫人，感覺到的熱力，索一索蟹香處處。熱到放不到係手啊，唯有抑壓著衝動，靜候數分鐘吧 ﹗可以起動喇，淺黃色的蟹膏迫爆蟹身、塞得滿滿，彷如幼滑花生醬一般。大力一啜，盡收舌尖之上，黏黏糊糊的，甘甜無比、不腥不澀，好味到暈，加上蟹肉甜美彈滑滲著蟹汁，鮮味爆燈 ﹗原味好好食，捲上浙醋就更添生氣。
白灼大花竹蝦，游水生猛跳跳紮，勁大隻呢 ﹗時間掌握得爐火純青，烚得剛剛好，沒差分毫啊。熱騰騰出晒煙都唔理喇，非常燙手都要黏起剝殼，堅係等唔切，哈哈 ﹗一搣蝦汁激射，蝦肉結實超爽彈，甜美可口無可抗拒，蝦膏甘香無窮，不需任何調味料，正到震啊 ﹗
蒜蓉粉絲蒸扇貝，洗得非常乾淨白雪雪，食得安心。純天然帶子鮮甜味道，餘韻留在舌頭上久久不散。添上清爽豉油及辛香蒜蓉味道，撞得更加精采絕倫。滾燙燙連肉帶汁捲埋青蔥粉絲直跣入口，讓無數味蕾慢慢感受一下鮮嫩滑彈、甜美可口。
辣酒煮大花螺，一定要食呀！微微既辣度散發濃濃香甜，越食越興奮就越想食。香料豐富精彩不單調，氣味芳香仲有淺淺誘人酒味！大大隻花螺啖啖肉，嚥韌彈牙，螺尾軟棉甘香，沾上湯汁味道出類拔萃，非凡出眾，太好味喇！ 辣汁非常宜人，搞到我要追住食。如果可以烚個粉絲、烚個手打烏冬真係正到企唔穩呢。鹽焗大花螺，原汁原味既演繹，大大隻花螺啖啖肉，頭脆身彈尾腍，螺味出眾，尾部勁甘香，好好味啊 ﹗
雜菌上湯加拿大花蛤，似乎烚得有點過火，雖然雙殼還味完全開啟，但蜆肉已經有點鞋了，而且偏韌，雖然依然嚐到鮮味，亦有少少海水咸香，不幸地質質只是平平呢。本來我一心想試冬陰功湯浸架，但侍應嬸嬸強烈推介雜菌上湯，稱冬陰功味道跟辣酒味道非常相似，不如試其他啦。
清蒸紅瓜子，一斤左右最好食，肉嫩多汁魚味濃郁甜美。蒸得香噴噴，淋上熟油、豉油更加美味 ﹗一啖接一啖，啖啖肉，轉眼剩低棚骨，骨頭都損都乾乾淨淨啊 ﹗
辣酒煮澳洲花龍蝦，新嘗試有點泰式感覺。啖啖肉沾上大量辣酒汁，濕濕的入口，香辣爽彈好鬼正，鮮味非凡，無比誘惑吸引，非筆墨可以形容。先走油、後浸烚，讓獨門辣酒汁迫入龍蝦肉之中，正到拍爛手掌，滿分滿分 ﹗如果有薯粉或烏冬索盡龍蝦辣酒汁就爽呢，諗下都十分開心！緊記要趁熱食，凍左略咸呢。侍應嬸嬸有什麼好驚訝啫，我係尖沙咀半島酒店食，主廚都係冬陰功焗龍蝦之麻、黃金海岸酒店就新加坡胡椒焗龍蝦，不知幾鬼好食呀。
食飽飽埋單，等著飯後果，陰功豬免費西瓜剛剛送完無得食囉 ﹗附近又無甜品舖，唯有過對面食雪條頂住癮先啦！嘆完美味海鮮再沿海濱散散步，微微海風襯托著寧靜環境，悠哉悠哉，爽乎！
上湯焗龍蝦
85 瀏覽
0 讚好
0 留言
椒鹽瀨尿蝦皇
49 瀏覽
0 讚好
0 留言
明火堂灼角螺
24 瀏覽
0 讚好
0 留言
泰式炒通菜
15 瀏覽
0 讚好
0 留言
鹽焗黃油奄仔蟹
23 瀏覽
0 讚好
0 留言
白灼大花竹蝦
37 瀏覽
0 讚好
0 留言
白灼大花竹蝦
23 瀏覽
0 讚好
0 留言
蒜蓉粉絲蒸扇貝
27 瀏覽
0 讚好
0 留言
辣酒煮大花螺
11 瀏覽
0 讚好
0 留言
辣酒煮大花螺
13 瀏覽
0 讚好
0 留言
泰式鳳爪
24 瀏覽
0 讚好
0 留言
蒜蓉炒芥蘭
14 瀏覽
0 讚好
0 留言
雜菌上湯加拿大花蛤
23 瀏覽
0 讚好
0 留言
鹽焗大花螺
38 瀏覽
0 讚好
0 留言
清蒸紅瓜子
23 瀏覽
0 讚好
0 留言
辣酒煮澳洲花龍蝦
20 瀏覽
0 讚好
0 留言
張貼
