影片
更多
2024-03-26
151 瀏覽
舊同事十年冇見，移民回來探親梗係要聚聚，朋友話香港呢幾年來變化好大，夜晚搵嘢食已經難，坐耐啲就更難，有朋友話知道有間冇限時嘅樓上火鍋，開到十點半，真係要試試。間店喺商廈裏面，都真係幾隱世，環境真心舒適，冇油益味，好少有店個樓頂咁高，而且好闊落，我哋vv嘩嘩都冇影響到人。我哋點咗個C餐和牛任食，揀咗個麻辣湯底，有幾款和牛，送海鮮拼盤，原來個拼盤都好豐富，今日有鮮鮑魚和大虎蝦，大元貝，仲有餐前炸物，吉列廣島蠔，炸天婦羅蝦，最正係跟黑松露醬，非常驚喜！麻辣到位，真係越食越辣，最尾係有啲頂唔順。好彩仲有冇任飲維他奶，仲係樽裝，好少見，加埋樽裝可樂，對我哋呢啲滿懷內心香港集體回憶嘅，都算是一份安慰。自助點肉，好方便唔尷尬，唔使好似有啲酒樓入紙追加等到手軟都冇人理，我見一盤盤上，仲有晒label講明係咩部位，唔會食咗乜都唔知，啲肉好厚身，好抵食喎，唔係出邊食嗰啲薄到見碟底。職員好友善，好誠懇，佢講開原來呢間係社企餐廳，咁大地方係為咗發展之後嘅安老事務，又係另一個意料之外，一向對社企餐廳印象麻麻，嘢食飲嘢通常都好麻麻，多數好似求求其其。社企有呢啲有服務水準嘅餐廳係極少有，咁嘅經濟環境咁大地方應該唔易
自助點肉，好方便唔尷尬，唔使好似有啲酒樓入紙追加等到手軟都冇人理，我見一盤盤上，仲有晒label講明係咩部位，唔會食咗乜都唔知，啲肉好厚身，好抵食喎，唔係出邊食嗰啲薄到見碟底。
職員好友善，好誠懇，佢講開原來呢間係社企餐廳，咁大地方係為咗發展之後嘅安老事務，又係另一個意料之外，一向對社企餐廳印象麻麻，嘢食飲嘢通常都好麻麻，多數好似求求其其。社企有呢啲有服務水準嘅餐廳係極少有，咁嘅經濟環境咁大地方應該唔易生存，唔好執呀，唔想好質素嘅店流失～ 下次搵機會嚟幫襯佢個晏晝午市。可惜我唔係呢區返工。
張貼
