影片
更多
2020-07-01
32 瀏覽
今晚好有興致想食麻辣火鍋，去咗灣仔qre 分店。服務冇得頂，一開始有糖水做前菜 ，跟住佢嗰度好high tech咁用iPad點菜。我同啲朋友呢決定咗啦呢個鴛鴦湯底，重點咪當然係個麻辣火鍋底啦。可以選擇唔同程度嘅辣咁所以如果係唔啱食辣，可以叫少啲辣同埋少啲嘅辣椒。因為我本身唔係一個食辣野嘅人，我一開始好擔心，點知嚟到之後，就發覺呢真係好食到好上癮。我哋叫咗佢今季時令菜式蟶子，啖啖肉好爽，鮮味十足，都好彈牙，呢個絕對推介。跟住我哋都叫咗另一啲招牌菜，出名嘅鵝腸，如果係一例的話呢佢就會掛起來咁上，視覺上幾震撼，但我哋嗌左半份，就只有普通擺盤。本身我唔係好食內臟，不過竟然有意外驚喜。佢嘅質感都好特別，有少少似牛柏葉咁樣。彈牙爽口，同啲麻辣味一齊食，正呀～不過我覺得最出色係佢個鴨血，配麻辣口味真係不得了。個鴨血好滑少少辣味少少鹹味，真係好開胃呀。服務各方面都好好。個蝦膠呢我哋嗌左半份，佢就幫我哋呢喺個竹筒度整落去個火鍋裏面。咁係因為係餐廳自己手打嘅，真係好爽好鮮好滑，蝦味都好濃。佢嗰度啲牛肉就唔係好似平時火鍋我哋見嗰啲美國肥牛，佢食落去，唔會好乾，肥瘦適中。呢餐飯都好滿意，人均消費大概都係$30
我同啲朋友呢決定咗啦呢個鴛鴦湯底，重點咪當然係個麻辣火鍋底啦。可以選擇唔同程度嘅辣咁所以如果係唔啱食辣，可以叫少啲辣同埋少啲嘅辣椒。因為我本身唔係一個食辣野嘅人，我一開始好擔心，點知嚟到之後，就發覺呢真係好食到好上癮。
我哋叫咗佢今季時令菜式蟶子，啖啖肉好爽，鮮味十足，都好彈牙，呢個絕對推介。
跟住我哋都叫咗另一啲招牌菜，出名嘅鵝腸，如果係一例的話呢佢就會掛起來咁上，視覺上幾震撼，但我哋嗌左半份，就只有普通擺盤。本身我唔係好食內臟，不過竟然有意外驚喜。佢嘅質感都好特別，有少少似牛柏葉咁樣。彈牙爽口，同啲麻辣味一齊食，正呀～
不過我覺得最出色係佢個鴨血，配麻辣口味真係不得了。個鴨血好滑少少辣味少少鹹味，真係好開胃呀。
服務各方面都好好。個蝦膠呢我哋嗌左半份，佢就幫我哋呢喺個竹筒度整落去個火鍋裏面。咁係因為係餐廳自己手打嘅，真係好爽好鮮好滑，蝦味都好濃。
佢嗰度啲牛肉就唔係好似平時火鍋我哋見嗰啲美國肥牛，佢食落去，唔會好乾，肥瘦適中。
呢餐飯都好滿意，人均消費大概都係$300就已經可以品嚐到好頂級嘅麻辣火鍋啦。係呢個疫情之下，冇得去旅行都有好嘢食，望梅止渴嘛～呢間餐廳質優味美，份量亦好豐富，可以開懷暢談之餘仲可以嗌埋個冰爽甜品去一解好辣又麻嘅感覺。
張貼
