影片
更多
2019-06-18
1481 瀏覽
之前響公司一直話要食南海一號，大家都講左大半年，尋晚終於齊腳囉，8個女人仔去食好西😎同事book左7點半，枱號No.43因為有個路痴同事唔識路，唯有早啲帶佢到餐廳先，上到去我地好似大鄉里咁不停影相🤣我當然順便出去陽台呼吸吓【空氣】先啦！首先我覺得餐廳個景的確唔錯，我地張枱亦都比較近玻璃位置，望出外面都算清楚，行出陽台都係幾步路今餐有同事請食，當然由老闆話事點菜，我地淨係負責食😋😍叉燒真係好入味又啖啖肉，而且仲好淋身😋蒜泥白肉腩肉都切得幾薄，如果再多啲蒜泥就更加正🙂乾肉炒椰菜呢道菜都炒得乾身無乜汁，但都只算普通🙂花雕醉雞呢道醉雞一上菜打開蓋時，聞到酒香味，但到食時雞肉反而食唔到酒味，我個人有點失望，但雞肉尚算嫩滑😯蟹肉炒桂花銀絲呢碟直頭成碟打包，所有人都唔多欣賞，大家都覺得無味道😍魚蝦蟹粉絲煲呢個就非常好食，味道香濃惹味，好快清碟🙂川汁脆皮魚嗯……呢道魚個汁實在怪怪雞雞咁，幸好魚肉滑身😍鮮肉小籠包叫左4籠，我一個人都食左3隻，小籠包多汁皮薄，呢個堅好味🤐羊肚菌紅燒豆腐呢道豆腐我無食到，真係唔知好唔好食呀🤣不過同事以為羊肚菌係雲耳木耳之類喎🙂炒通菜味道不過不失，份量就唔多😍龍蝦泡飯一鍋龍蝦
同事book左7點半，枱號No.43
因為有個路痴同事唔識路，唯有早啲帶佢到餐廳先，上到去我地好似大鄉里咁不停影相🤣我當然順便出去陽台呼吸吓【空氣】先啦！首先我覺得餐廳個景的確唔錯，我地張枱亦都比較近玻璃位置，望出外面都算清楚，行出陽台都係幾步路
今餐有同事請食，當然由老闆話事點菜，我地淨係負責食😋
😍叉燒
真係好入味又啖啖肉，而且仲好淋身
😋蒜泥白肉
腩肉都切得幾薄，如果再多啲蒜泥就更加正
🙂乾肉炒椰菜
呢道菜都炒得乾身無乜汁，但都只算普通
🙂花雕醉雞
呢道醉雞一上菜打開蓋時，聞到酒香味，但到食時雞肉反而食唔到酒味，我個人有點失望，但雞肉尚算嫩滑
😯蟹肉炒桂花銀絲
呢碟直頭成碟打包，所有人都唔多欣賞，大家都覺得無味道
😍魚蝦蟹粉絲煲
呢個就非常好食，味道香濃惹味，好快清碟
🙂川汁脆皮魚
嗯……呢道魚個汁實在怪怪雞雞咁，幸好魚肉滑身
😍鮮肉小籠包
叫左4籠，我一個人都食左3隻，小籠包多汁皮薄，呢個堅好味
🤐羊肚菌紅燒豆腐
呢道豆腐我無食到，真係唔知好唔好食呀🤣不過同事以為羊肚菌係雲耳木耳之類喎
🙂炒通菜
味道不過不失，份量就唔多
😍龍蝦泡飯
一鍋龍蝦湯泡飯，8個人分，每人先分得大半碗左右，真係唔夠食，當然我覺得好味先咁講啦😂
😊即燒片皮鴨
臨上菜時比我地過目睇過成隻燒鴨，片完之後份量都唔算太多，味道唔差既，只係我就覺得鴨肉都係片得過厚，另外我幾欣賞果籠皮既放置方法，一塊皮配一張紙，咁樣唔會令皮痴住晒👍
😍忘記左杯羅漢果飲品，好好飲，好濃好夠味
整體黎講呢餐算唔錯，除左食飯仲有地方可以睇下夜景影吓相，黎緊聖誕節左近，我會同屋企人再黎食既😋
今晚呢餐埋單4200有找，除返8個人，每人都係500零蚊左右，唔算太貴（今晚有老闆請食，我褲頭除鬆左就有🤣🤣🤣）
靚景
176 瀏覽
0 讚好
0 留言
密汁叉燒+蒜泥白肉
21 瀏覽
0 讚好
0 留言
乾肉碎炒椰菜+炒通菜
19 瀏覽
0 讚好
0 留言
花雕醉雞+川汁脆皮魚
24 瀏覽
0 讚好
0 留言
魚蝦蟹粉煲
23 瀏覽
0 讚好
0 留言
小籠包
23 瀏覽
0 讚好
0 留言
片皮鴨+龍蝦湯泡飯
30 瀏覽
0 讚好
0 留言
張貼
