更多
2022-09-10
14 瀏覽
放左三個月先發現原來無寫過小曼谷,佢都係元朗開左好耐,但行過都唔多人食,其實又平又好食喎,五十蚊午餐差唔多啦,即炒又有個位你坐,都無乜其他要求。未落單店員已經送上例湯,清清地嘅冬瓜湯,我覺得幾好飲,至少無味精先。叫左呢個泰式肉片炒米粉,幾好呀,炒得香,無乜油,肉片多,仲有紅蘿蔔同芥蘭,有菜有肉正啦,米粉唔過淋,真係幾好食呀。凍檸水叫左少冰走甜,兩樣都做啱無投訴,成日去茶仔走甜都係走唔到,換過杯又黑口黑面咁,呢度兩樣都做啱真係幾感動~炒野加埋凍飲,仲有埋例湯都係五十蚊,抵食啦。
張貼