小草十八怪

營業中

休息中

喺旺角油麻地附近行街之後就諗起呢一間好似好多人裝修又好企理嘅餐廳-小草就係咁我哋就入咗去試吓呢間嘢我哋嗌咗一個沙嗲牛石鍋米線（好似有六樣餸：牛肉、牛丸、牛柏葉、牛肚和金菇）一上枱就熱騰騰，仲要有啲泡泡喺上，直程係滾上！！ 食落口好濃郁嘅沙茶醬沙嗲味，有啲似沙嗲牛嘅升級版，仲要啲餸勁豐富。牛肉好滑，所有餸菜都好好味！如果鍾意沙嗲牛嘅朋友真係要嚟試一試。另外我哋叫咗一個石鍋飯，有啲似係煲仔飯咁。嘢食上枱嘅時候有姐姐幫你煮，等10分鐘之後就可以食到熱辣辣嘅石鍋飯。我哋叫咗臘鴨，滑雞石鍋飯，加咗一蚊轉蟹黃湯。 我想講啲滑雞真係好滑，啲臘鴨就有啲鹹，但佢佢本身就係鹹嘅，我應該更正佢係有鹹香味先啱。 佢啲飯係粒粒分明加上之後沈上嘅蔥粒，真係好好味。其實佢係一個冇飯焦嘅煲仔飯。好好味另外我就點咗鴨屎香檸茶，佢個杯大到乜咁。唔使就住就住，簡直係爽！我哋仲加咗個粟米串，不過不失，都幾好味嘅。整體好味，可以入去食多次。