2DP (已結業)

想食甜品，但又未食晚飯，所以黎到厚福街的 2DP，之前已經成日見到有朋友黎依度食冰打哂咭咁，但原來依度都有正餐食，仲要係素食，都好，偶然食返一兩餐無肉飯都健康D。餐廳細細的，但非常光猛，同埋已經貼好哂聖誕裝飾了。點左牛肝菌意式大麥飯，上枱時連埋煲蓋，保持温度。大麥飯的飯粒好特別，大大粒又好有咬口，加上小小芝士粉，可以變得更香但又唔會食到漏，牛肝菌的菇味濃，好香口。飲品點左泡沫奶茶，可能為左響應環保，無飲管的，成杯飲又有另一番風味。一入口飲到香滑的泡沫，之後就飲到香濃又滑的奶茶珍珠另上，可以按喜好落，有少少黑糖味，令奶茶的口感及層次更佳。重點係新鮮蜜瓜碗農場牛乳刨冰，半個蜜瓜，好靚。蜜瓜熟哂，好甜好香，仲好多汁，而農場牛乳刨冰同一般刨冰唔同，因為佢好綿，又滑，好似粉咁，整體好香好清新。健康簡單的一餐。