影片
更多
2010-09-03
74 瀏覽
師傅早一排成日同食神講, 幾時得閒帶師傅去見識下佢間飯堂呀, 結果喺一個多星期前, 師傅就收到食神嫂嘅邀請, 相約一同去佢地間飯堂度食晚飯; 師傅收到邀請當然十分開心, 更窩心係食神夫婦真係記得師傅曾經要求過嘛! 於是放左監後約埋食神就齊齊去攞位, 未夠七點已經排緊隊攞飛仔, 仲要話七點九先有位, 師傅一向都知呢間食店出晒名, 所以要等都唔出奇; 但出奇在到左七點九時都不能入座, 原因係食神嫂同炒股明尚未到; 雖然呢間食店假假地係食神嘅飯堂, 諗住會比少少面啦, 但呢間食店一於少理, 都話係知你係食神定師傅, 一於冇面比, 就算食神出埋美男計亦慘敗收場!好唔容易先有位, 坐底後當然由食神同食神嫂發板, 於是一口氣就柯打左蒜蓉粉絲蒸聖子, 黃金蝦, 鯇魚皮, 啫啫通菜, 梅子骨同埋胡椒蜆! 落完單唔使等好耐就有得食, 率先登場嘅係鯇魚皮, 於是二話不說即刻開餐, 鯇魚皮入口真的十分爽, 一d都唔腥而且十分新鮮, 非常美味, 加上伴碟嘅花生亦是卜卜脆, 絕不腍口, 呢碟鯇魚皮作為頭盤確實不錯!師傅之後再試梅子骨, 梅子骨聞落去醋酸味頗濃, 但食落口又絕非這回事, 梅子骨肉身鬆軟, 入口酸中
於是放左監後約埋食神就齊齊去攞位, 未夠七點已經排緊隊攞飛仔, 仲要話七點九先有位, 師傅一向都知呢間食店出晒名, 所以要等都唔出奇; 但出奇在到左七點九時都不能入座, 原因係食神嫂同炒股明尚未到; 雖然呢間食店假假地係食神嘅飯堂, 諗住會比少少面啦, 但呢間食店一於少理, 都話係知你係食神定師傅, 一於冇面比, 就算食神出埋美男計亦慘敗收場!
好唔容易先有位, 坐底後當然由食神同食神嫂發板, 於是一口氣就柯打左蒜蓉粉絲蒸聖子, 黃金蝦, 鯇魚皮, 啫啫通菜, 梅子骨同埋胡椒蜆! 落完單唔使等好耐就有得食, 率先登場嘅係鯇魚皮, 於是二話不說即刻開餐, 鯇魚皮入口真的十分爽, 一d都唔腥而且十分新鮮, 非常美味, 加上伴碟嘅花生亦是卜卜脆, 絕不腍口, 呢碟鯇魚皮作為頭盤確實不錯!
師傅之後再試梅子骨, 梅子骨聞落去醋酸味頗濃, 但食落口又絕非這回事, 梅子骨肉身鬆軟, 入口酸中帶甜, 酸味唔會過重, 整體味道十分討好, 師傅覺得係開胃同必食之選, 超得; 蒜蓉粉絲蒸聖子其實好多地方都有得食, 本來師傅覺得冇咩特別, 但呢間食店嘅聖子就比較大隻, 大隻得黎又蒸得唔老唔韌, 味道仲十分鮮甜, 肉質新鮮爽口, 加上粉絲勁多, 蒜蓉又勁香, 成隻蒜蓉粉絲蒸聖子就係咁樣比師傅做勝左; 坦白講師傅覺得聖子係要豉椒炒先最好味, 偏偏呢度咁夠吉屎蒜蓉粉絲蒸, 仲要咁得問你服未?
胡椒蜆嘅蜆都幾大隻, 蜆冇沙味道鮮甜, 配埋胡椒湯份外惹味, 胡椒湯又香又辣, 不過師傅欣賞個湯多過d蜆; 而黃金蝦都幾大隻, 隻隻都有厚厚嘅蛋黃包實, 淨係食嘅外殼都令師傅食到lam lam 脷, 而蝦身爽口鮮甜, 不錯; 啫啫通菜就清一式係菜莖, 少少菜葉都冇, 咁樣就可以做到啫啫通菜唔會出水, 夠晒乾身, 而菜莖亦十分嫩綠, 味道搶口惹味, 非常好味!
食到咁上下食神嫂話前後左右枱枱都有碟南乳炸豬手, 咁喺四面圍攻嘅情況下, 當然要柯打番一碟試下先, 南乳炸豬手嘅賣相都幾靚, 可惜師傅對豬手從來都冇研究, 所以當食落去又唔覺得好好味, 只覺得肉身都幾鬆, 唔太油可以啦, 師傅覺得未到不吃不可, 恕師傅唔識欣賞!
總括黎講食物水準甚佳, 服務普通, 環境就逼挾, 坐就一定唔太舒服, 價錢就相宜, 食咁多野又啤酒又汽水, 埋單每位都係百二蚊, 十分抵食! 其實師傅之前已然黎過一次, 不過係食晏, 始終覺得食晏一般, 經過是次一餐, 師傅對呢間食店真係十分欣賞, 唔怪得呢間食店會係食神嘅飯堂, 做得食神飯堂果然有料到, 如果有機會師傅都會再黎, 笑臉又點走得甩!
張貼
