影片
更多
2022-02-09
364 瀏覽
寶琳好似都唔算好多嘢食，見到coffee art都幾多好評，就行過去新都城中心試一試，見到全日套餐都唔平，$80至$198不等，只包一杯茶，另收加一服務費。🍴黑松露帶子藍芝士忌廉汁手捲粉 $135 (7/10)得三粒細細粒帶子，帶子煎到一面金黃色，入面都仲係未熟嘅，都算嫩滑，唔會太鹹，亦都冇腥味，百零蚊帶子呢個質素OK的。黑松露同藍芝士嘅味道都好出，食到淡淡黑松露味同埋好重嘅藍芝士味，忌廉汁可能就比較淡身啲，味道唔係好出，手捲粉質感好特別，有口感，意粉口感比較煙韌啲，都幾掛汁，幾好食嘅！但略嫌料唔係好多，連洋蔥碎粒都冇，食材口感上唔算好豐富，比較單調，就咁單一個粉收百零蚊，有少少唔太值，不過假期就冇辦法🤣可能平日會比較平啲！🍴煙三文魚蕃茄忌廉汁意大利粉 $88 (6.5/10)煙三文魚份量都足，唔會太咸，正正常常。蕃茄味都濃郁，酸酸哋，味道就正常蕃茄意粉，似係用意粉醬撈出嚟嘅味，冇新鮮蕃茄啊或者其他食材，忌廉汁直情食唔出，冇咩特別普普通通嘅意粉。個人刻板印象覺得三文魚應該配忌廉汁意粉🤣🤣☕️flat white 跟餐+$25 (7/10)有拉花，Espresso加奶，咖啡非常濃郁，味道偏
🍴黑松露帶子藍芝士忌廉汁手捲粉 $135 (7/10)
得三粒細細粒帶子，帶子煎到一面金黃色，入面都仲係未熟嘅，都算嫩滑，唔會太鹹，亦都冇腥味，百零蚊帶子呢個質素OK的。
黑松露同藍芝士嘅味道都好出，食到淡淡黑松露味同埋好重嘅藍芝士味，忌廉汁可能就比較淡身啲，味道唔係好出，手捲粉質感好特別，有口感，意粉口感比較煙韌啲，都幾掛汁，幾好食嘅！
但略嫌料唔係好多，連洋蔥碎粒都冇，食材口感上唔算好豐富，比較單調，就咁單一個粉收百零蚊，有少少唔太值，不過假期就冇辦法🤣可能平日會比較平啲！
🍴煙三文魚蕃茄忌廉汁意大利粉 $88 (6.5/10)
煙三文魚份量都足，唔會太咸，正正常常。
蕃茄味都濃郁，酸酸哋，味道就正常蕃茄意粉，似係用意粉醬撈出嚟嘅味，冇新鮮蕃茄啊或者其他食材，忌廉汁直情食唔出，冇咩特別普普通通嘅意粉。個人刻板印象覺得三文魚應該配忌廉汁意粉🤣🤣
☕️flat white 跟餐+$25 (7/10)
有拉花，Espresso加奶，咖啡非常濃郁，味道偏苦偏酸，飲完個口會有一浸酸味滲出來，奶味都香濃嘅，但個人唔太鍾意偏酸嘅咖啡，但質素都OK中上！
🍰桂花豆腐芝士蛋糕 跟餐+$30 (2/10)
好欣賞店舖嘅新奇創意配搭，都係諗住試伏嘅心態去叫，但呢個combination唔夾！
第一啖食落去個味道好奇怪，味蕾打晒問號❓
好似帶啲花香味嘅豆渣😂 認真分開蛋糕三part嚟試，餅底偏硬嘅消化餅，表面係桂花糕，但桂花未算好香濃，係淡淡嘅清香，芝士蛋糕就神奇了，有粗糙豆腐嘅質感，淡淡豆香再加芝士嘅酸味，豆腐味比較出，芝士味唔濃嘅狀態。
三樣分開食係正常嘅，但夾埋一齊可以自行想像，真係唔得，但創意係一百分嘅！😂分數係比佢哋嘅創意而唔係比味道！
推薦指數: 6/10
正正常常，一間普通嘅Cafe，嘢食質素OK，但假日價錢偏貴，平日去可能好啲，值得一讚嘅係服務幾好，坐得舒服嘅，要茶包嘅話店員就會幫你加熱水refill！
張貼
