楚撚記大排檔 (日富里百好大廈)

營業中

休息中

肺炎疫情限聚令放寬，立即同老公去西環探下姨婆一家，行到姨婆家附近見到有楚撚記大排檔，記得在土瓜灣食過，味道唔錯，餐廳地方係乾淨衞生又有大排檔風味，而家西環開左分店，梗係要帶埋姨婆去試下。好在我們不超過8人，可以坐埋一齊食！先去用QR code攞飛等位，之後店員為我們量體溫，入座後送上一次性即棄餐具和清茶。西楚霸王雞半隻：將葱油淋在白切雞上，再加上大量炸蒜增添香味，雞皮爽口，肉質嫩滑，又香又美味！絕對不能錯過！枝竹火腩豆腐煲：用熱騰騰的煲仔盛載，枝竹、豆腐吸盡醬汁和火腩的精華，火腩炆煮後更腍更香。星洲炒米：炒得有穫氣又夠香，加入咖喱粉等香料，並用义燒、火腿、蝦、蛋、洋蔥、芽菜等伴炒出帶著金黃色澤的米粉，風味獨特，香氣四溢，味道帶辣，十分惹味！鮑汁海皇福建炒飯：足料夠份量，用料有帶子、雞肉、冬菇、菜粒、蝦。並用鮑汁調製獻汁淋上飯面，飯用蛋炒過特別香，拌勻濃郁惹味的醬汁，令人食不停口！用碗飲啤酒，老公話比用杯飲豪D。腐竹雞蛋糖水沙冰，是店家送的甜品，很香腐竹味，味道甜美又冰涷。