吞POT 雞煲火鍋.住家菜

營業中

休息中

天氣乍暖還寒， 但係仍然無阻香港人熱愛打邊爐嘅程度， 今日就去咗旺角 吞Pot食雞煲。重頭戲雞煲就叫咗一個滋補螺片花膠雞煲 $298，一上嚟 ，用殼一筆，就已經有滿滿嘅雞件。我急不及待要試下個湯先 ，飲得出質感好濃好厚， 有淡淡嘅豆味， 我估可能加咗椰奶或者牛奶 ，所以我湯好滑， 啲雞件我哋食到最尾都係食唔曬， 個湯仲有好多花膠同螺片 ，花膠煮到好冧，螺片仲依然好有咬口 ，個人嚟講十分推介呢個湯， 即使我哋加咗兩轉湯底個湯都冇太走味。另一個要推介嘅就係自製爆芝響鈴 $75有六件， 大大件放入湯淥三至五秒就食得。 頭一啖食落冇咩芝士， 以為中咗伏， 但係咬到落中間，啲芝士吧吧真係爆出嚟。雪花牛腩片$198 有十片，厚薄適中 ，擺落湯底拖幾拖就食得 ，牛肉味濃，齒頰留香。另外值得推介嘅就係 菜菜籃 ，啲菜好新鮮翠綠 ，$70蚊一籃有曬金菇，雜菇， 生菜同白菜仔 ，性價比十足。順便一提嘅就係餐廳做緊優惠，7七點半前埋單或者九點半後入座所有火鍋配料小食可享有半價。