影片
更多
2020-12-08
338 瀏覽
1️⃣ 百吉爹肉骨茶（棒棒骨）$84三條棒棒骨，湯入面仲有豆卜、金菇同枸杞。肉骨茶有好濃藥材味，絕對唔會係hea你嘅肉骨茶；棒棒骨影落係幾得意，但食落就真係普通，有啲乾身又有啲柴，有啲失望；其他配料本身都幾吸湯汁，可以免費添飲㗎～2️⃣ 檳城亞參叻沙米線 （跟蝦醬）$55呢碗叻沙同平時係香港食到嘅唔同，平時食到嘅係比較似新加坡嘅叻沙！魚肉湯底除咗有啲魚蓉係入面，仲可以跟埋蝦醬，湯底嘅味道酸甜辣又帶有魚腥味，極重口味！！意外地幾鍾意呢種風味，辣味又夠。不過留意返呢碗叻沙係冇魚片/肉，成碗都係青瓜絲，紫洋蔥絲，生菜絲同兩粒菠蘿，食落口感都幾豐富。3️⃣辣死你嗎配仁噹牛肉 $55係去到馬來西亞必食嘅椰漿飯，飯帶有啲椰漿味，不過啲飯係凍嘅，上面仲有半隻烚蛋；參巴醬比起馬來西亞嘅參巴醬嚟講偏甜同冇咁辣；側邊嘅仁噹牛肉微辣；仲有花生、炸魚乾仔、青瓜片同炸蝦片，正正常常。4️⃣玻璃魷魚配通菜 $52 玻璃魷魚爽口彈牙，配埋嗰醬幾香口，夠晒辣（唔食得辣嘅朋友要三思），但通菜有啲老同乾，略嫌可惜，$52嚟講唔太抵食。✴️整體而言，個人覺得呢間馬來西亞茶餐室嘅嘢食普通，算係喺香港可以食到馬來西亞嘅菜式，但就未到其他人講到咁
百吉爹肉骨茶（棒棒骨）
16 瀏覽
0 讚好
0 留言
三條棒棒骨，湯入面仲有豆卜、金菇同枸杞。肉骨茶有好濃藥材味，絕對唔會係hea你嘅肉骨茶；棒棒骨影落係幾得意，但食落就真係普通，有啲乾身又有啲柴，有啲失望；其他配料本身都幾吸湯汁，可以免費添飲㗎～
2️⃣ 檳城亞參叻沙米線 （跟蝦醬）$55
檳城亞參叻沙米線
15 瀏覽
0 讚好
0 留言
呢碗叻沙同平時係香港食到嘅唔同，平時食到嘅係比較似新加坡嘅叻沙！魚肉湯底除咗有啲魚蓉係入面，仲可以跟埋蝦醬，湯底嘅味道酸甜辣又帶有魚腥味，極重口味！！意外地幾鍾意呢種風味，辣味又夠。不過留意返呢碗叻沙係冇魚片/肉，成碗都係青瓜絲，紫洋蔥絲，生菜絲同兩粒菠蘿，食落口感都幾豐富。
3️⃣辣死你嗎配仁噹牛肉 $55
辣死你嗎配仁噹牛肉
11 瀏覽
0 讚好
0 留言
係去到馬來西亞必食嘅椰漿飯，飯帶有啲椰漿味，不過啲飯係凍嘅，上面仲有半隻烚蛋；參巴醬比起馬來西亞嘅參巴醬嚟講偏甜同冇咁辣；側邊嘅仁噹牛肉微辣；仲有花生、炸魚乾仔、青瓜片同炸蝦片，正正常常。
4️⃣玻璃魷魚配通菜 $52
玻璃魷魚配通菜
13 瀏覽
0 讚好
0 留言
玻璃魷魚爽口彈牙，配埋嗰醬幾香口，夠晒辣（唔食得辣嘅朋友要三思），但通菜有啲老同乾，略嫌可惜，$52嚟講唔太抵食。
✴️整體而言，個人覺得呢間馬來西亞茶餐室嘅嘢食普通，算係喺香港可以食到馬來西亞嘅菜式，但就未到其他人講到咁好食。呢次係星期六晏晝2點去到，都等咗半個鐘先有位；由食緊到食完出嚟都keep住好多人等位，所以想食記住預留時間啦！
張貼
