阿木台灣麵 (D2 Place TWO)

營業中

休息中

最近去開荔枝角D2 Place，見到新開左【阿木台灣麵】，之前去過旺角果間都幾好食，所以今次又食左。今次叫左午餐、紅燒牛肉麵同招牌芝士肉鬆蛋餅。午餐：叫左鹹酥雞便當搭配3個前菜同飲品，鹹酥雞必點、外脆內嫩、味道鹹香。外層酥脆，內裡嫩滑多汁，帶有淡淡嘅胡椒鹹香味道。飯係滷肉飯、油香同香味十足。3個前菜係麵筋、蘿蔔、滷蛋，都不錯。紅燒牛肉麵：每次必點紅燒牛肉麵，牛肉經過長時間燉煮，令佢更加鮮嫩多汁，香氣四溢、肉質軟腍、湯底味道鮮甜濃郁。粗麵好挂湯。 招牌芝士肉鬆蛋餅：呢款招牌芝士肉鬆蛋餅係【阿木台灣麵】嘅招牌之一。餅裡面有芝士同肉鬆，味道同口感層次分明。芝士嘅濃郁香氣同肉鬆嘅鹹香味道相互輝映。