極尚大喜屋 (鱷魚恤中心)

營業中

休息中

📍大喜屋真係次次去親都爆場，今期仲新出咗唔少嘢食，晚市時段做緊$288/位，依家Häagen-Dazs雪糕仲可以任食！即刻點咗幾款菜式，法式紅酒藍莓鵝肝粒入口軟滑，再加埋酸酸甜甜嘅藍莓醬食落唔會油膩。海膽三色撻造型夠晒吸睛，個撻原來係用紫菜整，未嚟到嗰陣仲驚真係用撻皮會好滯添，用紫菜就食多幾件都得。煙鵝胸鵝肝多士個底就用咗蒜蓉味多士，中間加埋煙鵝胸多咗層鹹香味更加好食。金蒜炭燒廣島蠔用咗炸蒜同蒜蓉，食落好香口不過就唔夠鹹味。最驚喜係今期新出咗蟹肉蟹粉拌麵，麵底用咗稻庭烏冬，掛汁好creamy。同埋佢嘅珍珠奶茶都係任飲，仲幾貼心倒得7成滿，等我哋唔會嘥又可以試埋其他嘢飲。