火五越式牛肉粉專門店 (其昌樓)

營業中

休息中

之前食過太子果間，已經留下深刻印象，因為出名抵食又大碗。佐敦開左新分店，就喺澳牛隔離，就走去試下首先門口同落單的侍應都滿面笑容，每句都唔該前唔該後，好有禮貌。香港人普遍都唔太expressive，會收埋表情，甚至好多大型餐廳都唔及呢度的店員咁好笑容同態度，所以留下很好的第一印象。叫左兩個火車頭越車河，材料有生牛肉、熟牛肉、和牛牛丸、扎肉。唔係講笑，份量好足，超大碗，食完好飽肚，和牛牛丸有4粒，咬落彈牙！碗河粉仲有好多香蔥和洋蔥，好鐘意加埋呢啲配料一齊食仲有叫蝦春卷，因為見到餐桌上面介紹會用蝦膠製作。食落脆而不膩，最正係卜卜脆的響聲。又叫左個煙三文魚米紙卷，有六件，塊透明皮好煙韌，呢個配搭幾好，好爽。佢餐牌仲有大蝦、扎肉同炸軟殼蟹揀。餐廳會提供紙巾、牙簽同搓手液，幾周全。一路食飯時，聽到餐廳收到好多外賣單，生意應該幾好。食物水準各方面都性價比咁高，真係會值得再食。另外，見到有外賣步兵催單時，老闆仲笑笑口咁應對，同埋老闆同員工之間對談都有禮貌，唔淨止對客人、對員工、對外賣員都咁有禮貌，令人欣賞。所以呢度食飯食得好舒服，唔會太拘謹。