影片
更多
2022-09-08
39 瀏覽
📌 叁不館 - 天后電氣道68號金輪天地7樓🗓(8/9) 星期四 ⏰ 晚上8點左右 💈特式：位於天后嘅黃店火鍋舖，餐廳裝修好有懷舊香港嘅特色，感覺好地道，香港人一定有共鳴，同埋見到Openrice竟然攞到一致好評，似係好有料到，所以就嚟同大家試下佢。🥩🍔🌭🌮🥗🥯🥘🍲🍝🍣🥟🍤🍱食物：睇返佢份menu，又似報紙，又似通勝，又似馬經，真係好鬼特別，餐廳所有野都係以散叫模式種類好多，真係睇到人花多眼亂，事不宜遲等我同大家講下味道先......醬料 - 我好少特登講下醬料，但佢真係值得我講下，首先醬料選擇唔算好多，但職員推介嘅沙嗲醬同蔥頭油我都有試，真係好正，個沙嗲醬係帶甜，但沙嗲味做得好香，個蔥頭油就更加正，職員有提我點都落少少增香，係真係好增香，炸過嘅蔥頭個陣香味出晒嚟，好濃郁。湯底🥘 - 湯底就叫左個🍅🐮笑茄茄牛腩湯，上湯個時職員都有講淥野食之前可以先飲啖湯先，一飲真係好似細個媽媽煲嘅蕃茄牛腩湯咁，好正，入面仲有幾舊牛腩，雖然唔係炆到好林淋，但呢幾舊牛腩牛味真係非一般咁濃，超好食。火鍋料 - 叫左頂級安格斯牛頸脊(例牌)/手打五寶丸/牛柏葉/花枝片/皇帝菜，叫呢幾樣已經好夠食。牛
🗓(8/9) 星期四 ⏰ 晚上8點左右
💈特式：位於天后嘅黃店火鍋舖，餐廳裝修好有懷舊香港嘅特色，感覺好地道，香港人一定有共鳴，同埋見到Openrice竟然攞到一致好評，似係好有料到，所以就嚟同大家試下佢。
🥩🍔🌭🌮🥗🥯🥘🍲🍝🍣🥟🍤🍱
食物：睇返佢份menu，又似報紙，又似通勝，又似馬經，真係好鬼特別，餐廳所有野都係以散叫模式種類好多，真係睇到人花多眼亂，事不宜遲等我同大家講下味道先......
醬料 - 我好少特登講下醬料，但佢真係值得我講下，首先醬料選擇唔算好多，但職員推介嘅沙嗲醬同蔥頭油我都有試，真係好正，個沙嗲醬係帶甜，但沙嗲味做得好香，個蔥頭油就更加正，職員有提我點都落少少增香，係真係好增香，炸過嘅蔥頭個陣香味出晒嚟，好濃郁。
湯底🥘 - 湯底就叫左個🍅🐮笑茄茄牛腩湯，上湯個時職員都有講淥野食之前可以先飲啖湯先，一飲真係好似細個媽媽煲嘅蕃茄牛腩湯咁，好正，入面仲有幾舊牛腩，雖然唔係炆到好林淋，但呢幾舊牛腩牛味真係非一般咁濃，超好食。
火鍋料 - 叫左頂級安格斯牛頸脊(例牌)/手打五寶丸/牛柏葉/花枝片/皇帝菜，叫呢幾樣已經好夠食。牛頸脊都好大碟，好重肉味，肉質又唔韌；手打五寶丸真係值得推介，好好食，排位係(牛丸/蝦丸/豬肉丸/墨魚丸/鯪魚丸) ；牛柏葉同花枝片就好新鮮淥兩淥就食得，好鮮又爽口。
☕️🍵🥤🧋🍺🍷🥃🍹🧉🍾🍶🥛
飲品 - 飲品都好多選擇，有涼茶/汽水/啤酒/燒酒同樽裝茶等等，我就當然叫打邊爐唔一定少得嘅啤酒。
🍽環境：餐廳環境真係一大賣點，佢裝修用左老香港6~70年代嘅風格，玩味十足，有勁多打卡位，無論坐邊個位置都有唔同嘅特色，就連用嘅餐具都好特別，嚟到呢度除咗食野仲好似去咗參觀博物館咁。
🤵🏻🤵🏻♀️🤵🏻♂️服務：餐廳職員好nice，會同客人傾下計/交流下/互動下，每位客人職員都會好詳細咁解釋餐牌，同埋會自動介紹下今日有d咩靚海鮮推介，上醬料時亦會每樣介紹，等你知道唔同醬料嘅配搭，適當時亦會主動詢問客人需唔需要加湯之類。
💰💸價錢：今日叫到成枱嘢，埋單都係$800左右，佢比到你呢個環境/味道/質素都叫做好合理，我諗應該會再次帶朋友嚟幫襯。
🐲💬總結：可能我都算上左年紀，見到呢間餐廳嘅懷舊香港裝修，都會勾起我好多兒時回憶，同朋友食下/傾下，講下以前細個嘅往事咁又過左一晚，所以有時一間餐廳，除咗野食要好食之外，餐廳嘅環境同佈置都相當重要，所以今餐飯我同朋友都10分滿意
推薦指數：❤️❤️❤️❤️🤍
頂級安格斯牛頸脊
3 瀏覽
0 讚好
0 留言
張貼
