影片
更多
2024-01-18
882 瀏覽
過親嚟屯門買野都想入去㗎啦，適逢今次老婆去完台灣出trip未食夠，所以就衝入去，估唔到又有驚喜喎，款式唔少啦雞豬牛又好味，選擇又多，熟食都好好味，個餐入邊都包咗幾款小食嘅，而牛爽腩、台南烏雞肉卷、牛骨髓、水魷同埋脆鯇片就要自己掃 QR code 落 order ，呢度呢，就有樣好，佢所有嘅餸菜全部都係逐件逐件叫，就唔係一份咁叫，所以就變咗你可以好少少少少咁試好多唔同嘅嘢食，又唔怕嘥咗啲嘢食啦。而湯底呢，呢度都有八隻選擇嘅，想試吓豚骨湯又想試吓台灣養生藥膳雞湯喎，個個都好似好好味咁，牡丹美人鍋喺台灣之前有試過，望到山見青花椒麻辣湯又可以食鴨血好似唔錯咁，不過驚食辣嘢會肚痛，而又想補補氣最尾就叫咗滋補人蔘雞湯，服務員就好細心，上個雞湯個湯底嗰陣時呢就幫你落埋個雞，話大概六多10分鐘左右到就可以飲咗個湯先，然之後食埋啲雞再慢慢打邊爐。夠鐘開蓋，畢起兩碗湯，就出去攞啲嘢食順便攤凍，返嚟飲就啱啱好，嘩~! 好好味，個湯好甜，人蔘好多條，啲藥材浸味出晒嚟，成碗湯好香好好味! 雞真係好味㗎喎，咁又佢講個時間話俾你聽你真係啱啱熟多少少，唔會話見紅，而個雞肉又好滑，食得出唔係雪藏雞，有人蔘味啦，仲有少少
而湯底呢，呢度都有八隻選擇嘅，想試吓豚骨湯又想試吓台灣養生藥膳雞湯喎，個個都好似好好味咁，牡丹美人鍋喺台灣之前有試過，望到山見青花椒麻辣湯又可以食鴨血好似唔錯咁，不過驚食辣嘢會肚痛，而又想補補氣最尾就叫咗滋補人蔘雞湯，服務員就好細心，上個雞湯個湯底嗰陣時呢就幫你落埋個雞，話大概六多10分鐘左右到就可以飲咗個湯先，然之後食埋啲雞再慢慢打邊爐。夠鐘開蓋，畢起兩碗湯，就出去攞啲嘢食順便攤凍，返嚟飲就啱啱好，嘩~! 好好味，個湯好甜，人蔘好多條，啲藥材浸味出晒嚟，成碗湯好香好好味! 雞真係好味㗎喎，咁又佢講個時間話俾你聽你真係啱啱熟多少少，唔會話見紅，而個雞肉又好滑，食得出唔係雪藏雞，有人蔘味啦，仲有少少藥材味囉，好香口。
我哋個餐呢就包咗幾種肉嘅有兩種牛兩種豬，牛呢一個叫嫩堅美肌肉啦一個就牛爽腩，豬方面就有豚五花同埋梅花肉，嫩堅美肌肉呢就比較韌少少嘅，但係就肉味會香啲濃啲，牛爽腩呢就比較腍少少，冇咁濃味。豬五花呢就薄切，擺落去兩下就基本上食得咁滯，咬落口嘅話就比較多層次，而另外個梅花肉呢都好香好有豬甜味。
跟住望吓啲熟食，出邊有台式燉牛尾同埋有個台式嘅牛雜等等，我試呢幾隻啦今日幾隻都幾好味咁，唔同香港啲牛雜味，味道比較濃。有個好特別嘅，台式蚵仔煎，你估唔到佢啲蛋咁香，同埋佢嗰啲蛋花煎得好脆邊，好好味!
好少地方見到嘅花生芽菜啊，大大條好爽口嘅咁，又有豬皮啦可以索味啦，有好得意嘅企鵝墨魚丸、台式貢丸咁，菜方面都唔少選擇個喎，有油麥菜、生菜、娃娃菜、西洋菜、皇帝菜啦，茼蒿都有喎，最特別就一定係水蓮啦。
咁嘢飲都有好多選擇嘅，有罐裝茶飲啦、汽水啦，啤酒都有兩隻嘅。咁去得食台灣嘢，佢既然有台啤，咁就梗係叫台啤啦，收錢我都俾呀。呢度仲可以叫台式飲品嘅，有珍珠奶茶、愛玉綠茶咁啦!
甜品呢度好精緻啊，細細碗咁，又可以試多幾隻，我哋就叫咗個豆花同埋仙草椰果，咁都正常發揮啦，又唔會太死甜，黑糖又好好味，我唔食糖水嘅都嗌多左幾碗! 最尾就試咗個雪糕啦，好得意嘅冬瓜茶味，冬瓜茶就成日都飲，冬瓜茶味嘅雪糕呢就真係第一次食，佢都好清甜好好味!
平時其實之前嚟睇都好似好多人嘅，咁啱今次早食飯所以就入到嚟囉，對於好鍾意台灣嘅人呢嚟呢度都可以係一個幾唔錯嘅選擇，呢間火鍋都可以值得試嘅，咁正唔正宗我又唔係好知，但係好味攞，都好啱香港人食嘅，食材都新鮮㗎，環境又唔差好舒適乾淨，所以都推薦大家，不過佢呢度啲嘢食咁多，我地個餐個時間就真係唔係好夠喇! 嚟開嘅話都可以去呢度打爐，
豚五花
127 瀏覽
0 讚好
0 留言
梅花肉
70 瀏覽
0 讚好
0 留言
九份仙草椰果芋圓，華西綜合豆腐花
47 瀏覽
0 讚好
0 留言
台式蚵仔煎
37 瀏覽
0 讚好
0 留言
冬瓜茶雪糕
27 瀏覽
0 讚好
0 留言
滋補人蔘雞湯
11 瀏覽
0 讚好
0 留言
蘋果愛玉綠茶
12 瀏覽
0 讚好
0 留言
嫩堅美肌肉
13 瀏覽
0 讚好
0 留言
自費台啤
10 瀏覽
0 讚好
0 留言
題外話/補充資料：
入座之前其實佢哋好似話可以揀兩個湯底嘅，不過我唔記得咗係有啲咩條件喇，大家嚟到嗰陣時如果屋企人朋友想食兩種湯底嘅話可以問一問啦。
(以上食評乃用戶個人意見 , 並不代表OpenRice之觀點。)
張貼
