影片
更多
2022-10-15
141 瀏覽
上網見咁多人介紹啲間任食A5和牛，今日終於可以一試啦！我哋book左12:30早場，諗住一開門幫襯佢嘅食材會係最充足同最新鮮。間店其實非常細，只有十幾張枱，好快就full左了，好在預早book定同早來。可惜佢已經冇果個豆乳玫瑰拉絲芝士鍋，不過唔緊要都仲有台灣麻辣火山鍋，都係打卡必備！台灣麻辣火山鍋 👍🏻👍🏻👍🏻👍🏻👍🏻唔太辣，用冬瓜肉做火山再鋪滿A5和牛，然後加上麻辣湯底，夠晒gimmick！麻辣湯底比想像中好，唔算辣易入口，之後冬瓜淋左入晒味都好好食。海鮮拼盤👍🏻👍🏻👍🏻👍🏻有海蝦同北海道大元貝（可惜冇牡蠣🦪😩），元貝大大隻而且夠新鮮，先淋上玫瑰酒再點火，之後冚蓋焗10分鐘，開蓋一陣香噴噴嘅味道，非常好味🤤A5 黑毛和牛 👍🏻👍🏻👍🏻👍🏻👍🏻和牛其實睇個樣都知靚唔靚，唔洗多講自己睇圖😈。出面食一碟A5和牛幾塊薄片都起碼過百蚊，我哋總共叫左12碟，淨係食牛都已經回本有突，好難想像佢可以點樣控制到成本，唔通自家牧場真係差咁遠？今日有提供7款牛，推薦嘅次序：牛小排>特上霜降小排>上肩胛肉>肩胛梅花>牛前胸>千本筋>牛頸脊佢仲有好多唔同款式嘅火
間店其實非常細，只有十幾張枱，好快就full左了，好在預早book定同早來。可惜佢已經冇果個豆乳玫瑰拉絲芝士鍋，不過唔緊要都仲有台灣麻辣火山鍋，都係打卡必備！
台灣麻辣火山鍋
6 瀏覽
0 讚好
0 留言
台灣麻辣火山鍋 👍🏻👍🏻👍🏻👍🏻👍🏻
唔太辣，用冬瓜肉做火山再鋪滿A5和牛，然後加上麻辣湯底，夠晒gimmick！麻辣湯底比想像中好，唔算辣易入口，之後冬瓜淋左入晒味都好好食。
海鮮拼盤
3 瀏覽
0 讚好
0 留言
海鮮拼盤👍🏻👍🏻👍🏻👍🏻
有海蝦同北海道大元貝（可惜冇牡蠣🦪😩），元貝大大隻而且夠新鮮，先淋上玫瑰酒再點火，之後冚蓋焗10分鐘，開蓋一陣香噴噴嘅味道，非常好味🤤
A5 黑毛和牛
3 瀏覽
0 讚好
0 留言
A5 黑毛和牛 👍🏻👍🏻👍🏻👍🏻👍🏻
和牛其實睇個樣都知靚唔靚，唔洗多講自己睇圖😈。出面食一碟A5和牛幾塊薄片都起碼過百蚊，我哋總共叫左12碟，淨係食牛都已經回本有突，好難想像佢可以點樣控制到成本，唔通自家牧場真係差咁遠？
今日有提供7款牛，推薦嘅次序：牛小排>特上霜降小排>上肩胛肉>肩胛梅花>牛前胸>千本筋>牛頸脊
佢仲有好多唔同款式嘅火鍋配料同小食，我就唔再詳細介紹了，必食嘅就一定要試佢手打蝦滑/墨魚滑
手打金鑽太極蝦滑
1 瀏覽
0 讚好
0 留言
黑樺牧場精選層架
1 瀏覽
0 讚好
0 留言
見網上食評都好兩極化，我大概都明白固中原因。更好嘅產品，都需要其他配套設施去配合，我覺得啲間店絕對有好大好大嘅進步空間。先講優點：
- A5黑毛和牛絕對係高質，厚薄適中，賣相得體，解凍都做得啱啱好，唔會太冰亦唔會變血水
- 火鍋湯底夠噱頭，打卡得黎既實際又好味
- 有多款火鍋配料和小食選擇，而且有質素
- 雖然限時2小時，但如果冇客佢唔會趕你走（我哋最後食左3小時有多🤓）
- 員工有禮貌
好可惜缺點都有勁多，而主要都係經營上嘅問題，導致有咁多劣評，希望店主可以盡早改善：
- 貨源供應不穩定。有好多食材都係冇供應，比較嚴重嘅有牡蠣、玉子後腰肉、豆乳玫瑰拉絲芝士鍋，啲啲都算係主打嘅食材，放題店未能供應係有不妥，而且最大問題係佢唔會同你講…其次嘅有響鈴、豬皮、沙冰、奶茶，都係冇供應。
- 員工甩漏嚴重，正常一開始會來一round A5和牛各款一碟，仲有個雀籠拼盤，但員工竟然係可以skip左，去到其中一個員工見我哋食完海洋拼盤，得番個鍋張枱空空如也嘅時候，先問我哋有冇點食物，才發現原來忘記左上頭盤。
- 部分食材已變壞。當我哋叫佢補番個雀籠，佢就立即補番比我哋，但發現果六粒丸係已變壞，肉丸有酸味，蝦/墨魚丸肉質已變霉開始有臭海鮮味，相信係在室温環境已放左一段長時間。
- 我哋被安排坐在2人面壁位，冷氣唔夠，食到出晒汗
總結：高質A5黑毛和牛任食，又有gimmick嘅火鍋，$450 有找去邊度揾。如果係牛魔王會十分十分滿足。如果改善一下經營模式，應該可以客似雲來。
食物：❇️❇️❇️❇️❇️
環境：❇️❇️❇️
服務：❇️❇️
價錢：❇️❇️❇️❇️
翻兜指數：❇️❇️❇️❇️❇️
張貼
