大滿喜日本料理 (已結業)

一段時間無食放題心思思原本首選係想食同一棟5樓既放題不過去到見門口排晒隊先話上來食呢間呢間野上一次食已經係半年前果陣都覺得開始伏伏地點知原來到而家已經進化到伏到x街來到門口見到個場無乜客應該一半台都坐唔滿係Reception度企左幾分鐘先有個經理咁樣既人登記帶埋位坐低落完單周圍睇下有自助吧同嘢飲櫃嘢飲都有唔少選擇自助吧有湯有小食有小菜綜合來講全部麻麻跟住重點來喇原本都無打算百零二百蚊放題可以高質得去邊但真係估唔到低處未算低食塊三文魚魚生多筋肉爛羊架牛柳粒好似擦膠咁咬唔爛最離譜係燒雞翼喂！凍既？用冷氣去燒架？叫第二輪 野食就會開始等勁耐同漏單廚房入面成班人企係度吹水⋯⋯激到即刻埋單走人