影片
更多
2010-12-15
309 瀏覽
記得係好耐以前聽過係旺角有一間約50元o既任食壽司,講真一句,日本菜(除吉野家外)對於一般學生哥同冇收入o既人黎講,都係一個幾貴o既消費,當時(大約都有一年到)未知明將有咁差o既食評,就唸住過o下個魚生癮,其實個時去旺角明將都覺得ok,幾得好耐之前同朋友去食,起碼覺得叫幾抵食,可能係我對食要求唔高,所以我又覺得未至於去到"難食到想嘔"o既程度,加上以前o既三文魚壽司係唔洗落單~雖然話宜家離最後一次去明將都過o左好耐,不過我之後去就越黎越覺得唔抵,先唔好理佢有幾難食,已經冇以前去咁開心,黎黎去去轉o既都係d熟食壽司同d沙津壽司,魚生壽司唔係冇,少量吞拿魚壽司(魚生)同墨魚壽司,再唔係就鮑魚壽司......我心唸個句"唔係呀嘛?點會一碟三文魚都冇架,之前黎明明仲好多架"好唔容易先至等到一碟三文魚壽司,不過就係三文魚粒壽司,不過都好過冇啦,起碼叫有食過三文魚先.到最後一次去明將就係去西九明將,仲衰過我對上一次去o既旺角分店,今次o既魚生壽司只有墨魚.....連吞拿魚壽司(魚生)都冇,更唔好話三文魚,係後尾先知原來三文魚壽司要落單,咁我冇太多錢就冇叫,西九個間有兩邊迴轉枱,我坐個邊d壽司款真係
當時(大約都有一年到)未知明將有咁差o既食評,就唸住過o下個魚生癮,其實個時去旺角明將都覺得ok,幾得好耐之前同朋友去食,起碼覺得叫幾抵食,可能係我對食要求唔高,所以我又覺得未至於去到"難食到想嘔"o既程度,加上以前o既三文魚壽司係唔洗落單~
雖然話宜家離最後一次去明將都過o左好耐,不過我之後去就越黎越覺得唔抵,先唔好理佢有幾難食,已經冇以前去咁開心,黎黎去去轉o既都係d熟食壽司同d沙津壽司,魚生壽司唔係冇,少量吞拿魚壽司(魚生)同墨魚壽司,再唔係就鮑魚壽司......我心唸個句"唔係呀嘛?點會一碟三文魚都冇架,之前黎明明仲好多架"好唔容易先至等到一碟三文魚壽司,不過就係三文魚粒壽司,不過都好過冇啦,起碼叫有食過三文魚先.
到最後一次去明將就係去西九明將,仲衰過我對上一次去o既旺角分店,今次o既魚生壽司只有墨魚.....連吞拿魚壽司(魚生)都冇,更唔好話三文魚,係後尾先知原來三文魚壽司要落單,咁我冇太多錢就冇叫,西九個間有兩邊迴轉枱,我坐個邊d壽司款真係少得可憐,同埋我覺得洗50黎只係食d熟食/沙津壽司真係好唔抵囉!走個時都覺得呢50元係白洗,食個味千拉麵都冇咁嬲!
食物方面:
三文魚壽司
記憶上覺得都ok
吞拿魚沙津壽司
味道冇咩點,不過個賣相就幾嘔心
粟米壽司
都叫入得口
鴨胸壽司
呢個真係好味
蛋白沙津壽司
係幾創新,算係咁啦
冰火壽司(玉子蛋)
未至想嘔o既
其他魚生(吞拿魚,醋青魚,墨魚,甜蝦仲有其他正常款魚生壽司)
只可以話我對食冇太大太多太高要求,覺得50元算係咁架喇
只於明將有名o既紅豆壽司,我就真係未食過,唔知我最後一次去個時係唔係已經有,不過就算有都唔會去食,睇其他人影o既相,我已經覺得好唔掂,真係唔講唔知佢係紅豆.....同埋創新還創新,唔係咁離譜呀嘛?其他個d都算(老實講,鴨胸壽司的確唔錯)紅豆都可以做壽司?仲要配沙津醬,今次我都覺得明將讚唔落手........
不過無論點都好,我都唔會再去明將都食壽司,寧願第日儲多d錢食間好d o既日本餐廳仲好.
張貼