野川拉麵の深燒食堂

營業中

休息中

今日放咗工同家姐喺元朗附近行吓，去到好多嘢食嘅又新街，就比呢一間主打食串燒同埋日式料理嘅餐廳吸引到。舖頭都好大，除咗有室內座位亦都設有室外，天氣涼嘅時候同啲friend喺室外坐一邊飲嘢食嘢都幾開心。我哋今次就安排坐咗喺室內嘅一個卡位，位置寬闊，坐得舒服。打開Menu，發現選擇都真係好多，有拉麵、鍋物、串燒、小食同埋刺身等，實有一樣啱你心水。我哋今次就一共嗌咗五樣嘢，好滿足😛1.泰式生蝦生蝦質地好彈牙，爽口，加埋餐廳自己調嘅泰式酸辣汁，配埋一齊食好惹味，酸酸辣辣好開胃，作有前菜一流。2.清酒湯煮活蜆啲蜆好大粒，同我預計唔一樣，我以為係會煮好咁樣上菜，估唔到竟然係直接喺我哋面前煮熟俾我哋睇🤩見得出啲蜆真係好新鮮，全部都開晒口，加埋清酒湯食落好鮮味，而蜆肉都好大粒飽滿，充滿着肉汁，真係好鍾意呢道菜。3.六品刺身盛合加生蠔六品刺身包括三文魚、北寄貝、帶子、甘蝦、油甘魚同埋海膽。另外我哋亦都再額外加咗兩隻生蠔。超級豐富！先講刺身，全部都厚切新鮮，油甘魚尤其肥美，油脂香十足。而最令我驚喜嘅係海膽，冇諗過喺元朗嘅一間平民小店可以食到咁高質嘅，又creamy 又甜，一啲都冇腥臭味同化學明礬味，好滿足！