蘇媽.蘇媽馬來西亞茶餐室 (已結業)

行過蘇媽蘇媽就令人諗起去左馬來西亞嘅感覺, 即興入去大飽口福. 天氣熱辣辣先嗌杯凍馬來西亞拉茶嘆下, 唔會好似印度拉茶咁甜幾適合香港人口味. 椰香咖央多士外表脆而中間夾住份量不少嘅香噴噴咖央醬令人口水直流, 轉個頭已經食哂成碟, 必食之選馬來沙爹串雞＋牛屬於正常唔會燒得太乾, 最鍾意一邊點佢個沙爹醬一邊食. 一字骨肉骨茶亦都好跟傳統馬來西亞嘅做法, 除左一煲仔一字骨外, 額外仲有多一碗肉骨湯湯, 湯底有好濃藥材味, 一字骨大大條好多肉又好腍好有肉香唔駛加飯其實份量都唔少夠飽. 檳城福建蝦麵又係大大碗好足料, 湯底用蝦殼熬製, 所以又濃又香, 魚片頭配油麵都剛剛好夠咬口又吸收左湯嘅精華, 雖然之前嘅菜式令我開始飽但都好回味呢碗麵嘅味道